|
GA
Escudo Concello de Vigo

Servicios Sociales

Noticias de Benestar Social

Lista de noticias

Noticias

17/01/2018. O Concello interpón un contencioso-administrativo contra a obriga de financiar os centros de día da Xunta

A Xunta de Galicia obriga por lei ao Concello a abonar 550.000 euros polos centros de día de Valladares, Teis e Coia e polas escolas infantís de Palencia e Valladares, de competencia autonómica, un "abuso contra os dereitos constitucionais do Concello", en verbas do alcalde de Vigo, que será recorrido.
(Ver noticia en xornal.vigo.org)

11/01/2018. O goberno de Vigo valida a convocatoria de axudas antidesafiuzamentos por 1,6 millóns

Abel Caballero informou hoxe xoves da aprobación das bases e convocatoria do coñecido como cheque social, 1.640.000 euros en axudas para pagos de vivenda, enerxía e alimentación para familias con escasos recursos. O Concello aumenta este ano por enriba dos 2,5 millóns as axudas antidesafiuzamentos. (Ver noticia en xornal.vigo.org)

11/01/2018. Caballero eloxia as novas instalacións de Cruz Vermella, "o mellor lugar para a solidariedade"

Foto noticia
O alcalde felicitou esta mañá aos responsables de Cruz Vermella na inauguración das novas instalacións da ONG en Vigo. Durante a súa intervención, eloxiou, entre outros aspectos, a labor que realiza a entidade cos refuxiados. (Ver noticia en xornal.vigo.org)

21/12/2017. O Concello inicia a tramitación das axudas contra desafiuzamentos por un valor superior aos 2,5 millóns

A Xunta de Goberno deu luz verde ao inicio da tramitación administrativa que permitirá implementar as axudas aos desafiuzamentos de cara a 2018. Cun importe superior aos 2,5 millóns de euros, o rexedor destacou a importancia dunhas achegas que inclúen unha partida para que persoas con mobilidade reducida poidan a adaptar os seus fogares. (Ver noticia en xornal.vigo.org)

21/12/2017. O alcalde felicita a Cáritas polo labor de reinserción laboral da rede Koopera

Foto noticia
No transcurso da xornada informativa e de sensibilización celebrada por Cáritas na Oficina Municipal do Casco Vello para presentar o traballo realizado ao longo de 25 anos pola rede Social Koopera en favor da reinserción laboral de persoas en situación ou risco de exclusión social, Abel Caballero felicitou á entidade por ser "valedores dos dereitos cidadás". Amais, en presenza de Gonzalo Dávila, director de Cáritas Tui-Vigo e de Nieves Ramos, responsable de Relacións Institucionais, amosou o apoio a este labor e defendeu a importancia de que as empresas respecten a cota de contratación por dereitos sociais e non soamente por criterios económicos porque iso supón produtividade social. (Ver noticia en xornal.vigo.org)

29/11/2017. O Concello anima á participación nunha gran paraugada da polo Día Internacional da Discapacidade

Foto noticia
A concelleira de Benestar Social, Isaura Abelairas, animou esta mañá a todo Vigo a participar o domingo 3 de decembro na gran paraugada coa que se celebrará o Día Internacional da Discapacidade. A cita será ás 12,00 h a carón do monumento a Julio Verne, no Náutico. (Ver noticia en xornal.vigo.org)

23/11/2017. Vigo recibe un recoñecemento nacional pola atención ás mulleres vítimas de violencia machista

O Ministerio de Sanidade e a FEMP veñen de recoñecer a labor do Concello de Vigo na atención ás mulleres vítimas de violencia de xénero. Este galardón súmase a outro que xa conseguira no ano 2011, neste caso no ámbito da prevención. (Ver noticia en xornal.vigo.org)

14/11/2017. O alcalde eloxia o sistema de teleasistencia OMNI pola súa capacidade de interacción

Foto noticia
A tecnoloxía OMNI Assistance Virtual ofrece compañía e asistencia no fogar a través da televisión ás persoas dependentes. Abel Caballero valorou que a atención ás persoas maiores e aos nenos son o núcleo central do seu proxecto de cidade. (Ver noticia en xornal.vigo.org)

14/11/2017. O Concello solicita a anulación da esixencia de cofinanciamento dos centros de día da Xunta

O goberno local aprobou esta mañá un recurso administrativo contra a decisión do Parlamento Galego, adoptada cos votos do PP, de establecer una cofinanciamento dos centros de día da Xunta de Galicia en Vigo. O Concello tería que adicar 345.000 euros para pagar o 30% do mantemento duns servizos que son competencia exclusiva da Xunta. (Ver noticia en xornal.vigo.org)

08/11/2017. O Concello apoia aos comedores sociais da cidade con 238.000 euros

O alcalde puxo en valor este mércores que "a inmensa maioría dos comedores sociais de Vigo teñen apoio do Concello", achegas que totalizan 238.000 euros a través do Banco de Alimentos, AFAN, Comedor da Esperanza, Hermanos Misioneiros dos Enfermos Pobres e Vida Digna. (Ver noticia en xornal.vigo.org)