|
GA
Escudo Concello de Vigo

Servicios Sociales

Noticias de Benestar Social

Lista de noticias

Noticias

2020-04-08.O goberno de Vigo duplica a asignación ao Banco de Alimentos e adquire material de protección para os Bombeiros

A Xunta de Goberno Local reúnese este xoves de forma telemática e, segundo adiantou este mércores Abel Caballero, prevé ampliar o convenio co Banco de Alimentos para asignarlle outros 40.000 euros máis ao ano. Ademais, adxudicará o subministro de elementos de protección para o equipo de Bombeiros encargado da desinfección. (Ver noticia en xornal.vigo.org)

2020-04-08.O teléfono 010 do Concello de Vigo estará operativo durante toda a Semana Santa

Abel Caballero informou este mércores de que o Concello de Vigo terá aberta as liñas telefónicas do 010 para atender todas as peticións dos cidadáns tamén durante a Semana Santa. Ademais, as axudas de emerxencia xa suman máis de 377.000 euros e as comidas repartidas desde a cociña do albergue chegan a 4.790. (Ver noticia en xornal.vigo.org)

2020-04-07.O Concello concede 500 becas de comedor máis e as axudas xa chegan aos 300.000 euros

not eq ""} Foto noticia
Abel Caballero informou este venres de que o Concello aprobou a concesión de outras 500 becas de comedor e que as axudas de emerxencias, condedidas desde o inicio da crise do Covid-19, xa chegan aos 300.000 euros. Ademais, Benestar Social incorporou a outros tres traballadores para facer fronte ao incremento de traballo. "Non establezo ningún límite de gasto en cobertura social", apuntou. (Ver noticia en xornal.vigo.org)

2020-04-06.O Concello acolle a 140 persoas sen fogar e habilitará o Seminario para positivos en coronavirus

not eq ""} Foto noticia
Abel Caballero acordouno co bispo e o Concello aloxará no edificio da Avenida de Madrid aos enfermos que derive o SERGAS e carezan de lugar onde pasar o confinamento, de inicio con 16 habituais individuais con baño. Ademais, o goberno de Vigo conta con outras seis vacantes para eventuais positivos entre os 140 "sen teito" acollidos nos albergues, pensións e pavillón do Berbés. (Ver noticia en xornal.vigo.org)

2020-04-06.O goberno municipal entrega a domicilio unha media de 585 comidas diarias

Os menús, elaborados polas relixiosas do Fogar San Xosé, polas Misioneiras do Silencio e polo albergue municipal, están destinados ás persoas que o necesitan. O alcalde trasladou tamén a queixa de cidadáns que din que algunhas entidades financeiras tentan venderlles produtos ao solicitaren as axudas do ICO. (Ver noticia en xornal.vigo.org)

2020-04-03.O Concello contratará un servizo de comidas para reforzar as entregas a domicilio a persoas necesitadas

not eq ""} Foto noticia
Abel Caballero informou este venres de que o Concello contratará un servizo de cátering que reforzará a labor que xa fan a cociña do albergue municipal e os comedores sociais. Ademais, avanzou que xa se entregaron 3.254 menús a persoas sen fogar e familias necesitadas. (Ver noticia en xornal.vigo.org)

2020-04-02.O Concello súmase ao Día Mundial da Conciencia sobre o Autismo

not eq ""} Foto noticia
Baixo o lema "Podo aprender. Podo traballar" a Fundación Menela convida á cidadanía a reivindicar a educación e o emprego para as persoas con autismo. (Ver noticia en xornal.vigo.org)

2020-04-02.O Concello reforza o servizo de Benestar Social coa contratación de 6 traballadores

not eq ""} Foto noticia
O goberno local contratará a seis auxiliares administrativos para axilizar a tramitación das axudas que está a recibir o departamento de Benestar Social. Ademais, o pavillón do Berbés aínda ten camas dispoñibles para as persoas sen fogar. (Ver noticia en xornal.vigo.org)

2020-04-01.Vigo habilitará un novo pavillón para persoas sen fogar, atendendo a demanda da área metropolitana

not eq ""} Foto noticia
O alcalde deu instrucións para habilitar un segundo pavillón, que se suma ao do Berbés, para acoller a persoas sen fogar, atendendo peticións de localidades como Redondela, Baiona ou O Porriño. Ademais, o Concello xa entregou máis de 2.300 axudas de emerxencia desde que entrou en vigor o estado de alarma, por un importe superior aos 210.000 euros. (Ver noticia en xornal.vigo.org)

2020-03-31.O Goberno de Vigo xa entregou 2.263 axudas de emerxencia desde o inicio do estado de alarma

A comisión de valoración de axudas de emerxencia aprobou onte pola tarde case 500 novas achegas, o que eleva a 2.263 a cifra total entregadas desde que se decretara o estado de alarma. Así mesmo, o Concello segue a repartir 450 menús diarios aos usuarios dos comedores sociais da cidade. (Ver noticia en xornal.vigo.org)