|
GA
Escudo Concello de Vigo

Participación ciudadana

Noticias

Lista de noticias

Noticias

2020-05-12. O Concello de Vigo e Vitrasa convocan o concurso infantil "Os nosos heroes"

O alcalde avanzou este martes que o Concello de Vigo e Vitrasa convocaron o concurso infantil "Os nosos heroes" para agasallar aos nenos e nenas da cidade polo seu confinamento debido ao Covid-19, así como recoñecer tamén ás persoas maiores. (Ver noticia en xornal.vigo.org)

2020-05-12. Vigo peonaliza 43 rúas en días laborables para ampliar o espazo social

O alcalde non descarta a posibilidade de seguir ampliando o número de rúas e sinala que o Concello recibe moitas peticións para que se manteñan sen tráfico unha vez rematada a situación de pandemia. (Ver noticia en xornal.vigo.org)

2020-05-11. Vigo reforza o servizo de transporte urbano ata o 75% da súa capacidade

O alcalde explica que as frecuencias das liñas do autobús da cidade coincide co paso á Fase 1 do proceso de desescalada. Amais, o Concello continúa este luns co reparto de 7.500 máscaras de protección. (Ver noticia en xornal.vigo.org)

2020-05-08. O goberno vigués adxudica 130.000 euros para bolsas de comedor destinadas a 2.596 nenas e nenos

Foto noticia
O rexedor informou tamén de que este sábado se inicia o reparto de 7.500 máscaras protectoras nos mercados municipais e en tódalas parroquias viguesas e avanzou un encontro coas direccións dos centros escolares para coñecer a situación do alumnado. (Ver noticia en xornal.vigo.org)

2020-05-08. O goberno de Vigo aproba as bases para subvencionar con 45.000 euros o deporte feminino

A Xunta de Goberno Local deu luz verde ás normas que regulan a concesión dos apoios por concorrencia competitiva a entidades deportivas sen ánimo de lucro. O alcalde defendeu este venres a práctica deportiva das nenas e mulleres como un "gran paso na vía da igualdade, na concienciación sobre a igualdade". (Ver noticia en xornal.vigo.org)

2020-04-23. O Concello inicia mañá a distribución das máscaras en mercados e parroquias

Foto noticia
alcalde avanzou que o Concello de Vigo iniciará este venres nos mercados do Progreso, Teis e As Travesas, ademais das parroquias de Beade, Bembrive, Cabral e Candeán, o reparto das primeiras 20.000 máscaras de protección de forma gratuíta. (Ver noticia en xornal.vigo.org)

2020-04-01. O Concello entrega a Povisa e Vithas Fátima os contedores doados por Contenur para residuos hospitalarios

Abel Caballero informou este mércores de que xa se fixo a entrega a Povisa e a Vithas Fátima dos contedores para residuos hospitalarios doados pola empresa Contenur. Ademais, informou da doazón de comida por parte de tres empresas que queren permanecer no anonimato. (Ver noticia en xornal.vigo.org)

2020-02-13. O alcalde entrega diplomas ao alumnado das Aulas Cemit

Foto noticia
Segundo explicou Caballero, o alumnado trasladoulle a súa valoración positiva sobre a formación recibida dentro do Plan de Inclusión Dixital que lles permitiu adquirir coñecementos en diferentes áreas das novas tecnoloxías: redes sociais, compras e vendas por Internet, ofimática básica, follas de cálculo, smartphones... Amais, sinalou, "recibimos peticións de máis cursos" dado que "permiten abrir novos horizontes". O salón de actos da UNED no Auditorio Mar de Vigo acolleu o acto de entrega do diploma acreditativo destes cursos. (Ver noticia en xornal.vigo.org)

2019-08-02. O rexedor recibe a responsables de Legálitas, que prevé facer 50 contratacións na cidade

Foto noticia
Abel Caballero mantivo un encontro este venres co conselleiro delegado de Legálitas, Luis del Pozo, e coa delegada en Galicia, Elena Villamarín, que prevén abrir proximamente unha sucursal en Vigo, que permitirá realizar a contratación de 50 profesionais do dereito "unha xeración de emprego significativa", segundo salientou o rexedor, que outorga "valor engadido" á súa implantación na cidade. (Ver noticia en xornal.vigo.org)

2019-06-12. O 78% dos votos na consulta do Concello, a favor de declarar algunhas praias libres de fumes

Segundo informou este mércores Abel Caballero, a consulta na web municipal rexistrou en menos dun día 24.848 votos sobre a declaración dalgúns areais de Vigo como espazos libres de fume, co 77,84% destes favorables á medida. En Balaídos, os votos contabilizados superan os 9.000 e o si elévase ao 83%. (Ver noticia en xornal.vigo.org)