O Concello de Vigo, a través do Servizo de Educación pon en marcha a Etrad, unha iniciativa innovadora proxectada para a protección e difusión da música patrimonial galega, procurando a súa evolución na mestura coas formas contemporáneas do folk urbano.

A Etrad correspóndese coas novas tendencias integradoras da educación musical que amplían a visión da música cara a unha concepción global, co selo propio da música de tradición oral.

Atenderá a un máximo de 400 alumnos en cursos académicos de outubro a xuño.

• Matrículas: Información sobre prazos de preinscrición, horarios,  reservas de prazas. Contén tamén os formularios de solicitude de preinscrición, matrícula e convalidacións.
• Itinerarios Formativos: Por oferta educativa
• Curso 2018-2019: Todos os alumnos admitidos de nova inscrición deberán formalizar a matrícula presencialmente na Secretaría da ETRAD no prazo previsto na convocatoria anual.

Para estar ao corrente das últimas novas así como acceder á consulta de materiais didácticos visite o blog da E-Trad.