Reapertura das pistas de tenis e pádel de Samil e das pistas de atletismo de Balaidos

O 27 de maio, reabren as pistas de tenis e pádel do Complexo Municipal de Samil e a Pistas de atletismo de Balaidos.

O Concello realizou as adaptacións e traballos de limpeza e acondicionamento das instalacións para que os e as usuarias podan reiniciar as actividades deportivas nestas dúas instalacións nunhas condicións óptimas de práctica, con todas as medidas preventivas necesarias.

O acceso a ambas instalacións é obrigatoriamente con reserva previa, que pode realizarse na web https://deportes.vigo.org, na pestana de "Reserva de instalacións".

Nas pistas de atletismo, estableceuse un sistema de acceso por turnos co obxectivo de garantir o cumprimento do límite do aforo permitido polas autoridades sanitarias, e o acceso, nesta fase, será exclusivamente para deportistas federados maiores de 12 anos.

Documentación

• Normas das pistas de tenis e pádel do complexo de Samil durante o estado de alarma por coronavirus
• Normas das pistas de atletismo de Balaídos durante o estado de alarma por coronavirus