O Plan Español para o Estímulo da Economía e do Emprego consta de máis de 100 medidas de política económica. Este Plan segue as directrices acordadas a nivel internacional, tanto nos cumes internacionais do G-20 - ás que asistiu por primeira vez España - como a nivel europeo, seguindo as recomendacións do Programa Europeo de Recuperación Económica (PERE).

O Plan E consta de catro eixos de actuación: Medidas de apoio a empresas e familias; de fomento do emprego; medidas financeiras e orzamentarias; e, para rematar, medidas de modernización da economía.

• O Real Decreto-lei 9/2008, de 28 de novembro, creou o Fondo Estatal de Investimento Local, dotado con 8.000 millóns de euros, co obxecto de aumentar o investimento público no ámbito local, mediante o financiamento de obras de nova planificación, execución inmediata e competencia propia das entidades locais. Con esta medida, o Goberno favoreceu os investimentos destinados a dinamizar a curto prazo a actividade económica, incidindo directamente na creación de emprego.
  • Proxectos aprobados e pagados en Vigo
• Polo Real Decreto-lei 13/2009 apróbase a creación do Fondo Estatal para o Emprego e a Sustentabilidade Local, aínda que se incorpora como obxectivo do mesmo que os investimentos, proxectos e actuacións financiadas contribúan á sustentabilidade económica, social e ambiental.
  • Listaxe de Gastos Sociais Aprobados e de Crédito en Vigo

Así, estes Fondos intégranse no eixo de fomento do emprego do Plan E, xunto con medidas de apoio a empresas e familias, medidas financeiras e orzamentarias e de modernización da economía.