A Xunta de Goberno Local é o órgano que, baixo a presidencia do alcalde, colabora de xeito colexiado na función de dirección política que a este lle corresponde exercendo as funcións executivas e administrativas que se sinalan no artigo 127 da Lei 7/1985, de 2 de abril, de Bases do réxime local.

O número de membros da Xunta de Goberno Local non poderá exceder dun terzo do número legal de membros do Pleno ademais do alcalde, quen os nomea ou separa libremente.

Dado que o Pleno do Concello de Vigo está integrado por vinte e sete concelleiros electos, a Xunta de Goberno Local do Concello de Vigo non excederá de nove persoas, ademais do alcalde ou alcaldesa.

A Secretaría da Xunta de Goberno desígnase polo alcalde nun dos concelleiros membros da mesma; as súas funcións resúmense na redacción das actas e certificación dos acordos adoptados.

A Xunta de Goberno Local responde politicamente perante o Pleno da súa xestión de forma solidaria, sen prexuízo da responsabilidade directa de cada un dos seus membros pola súa xestión.

As deliberacións da Xunta de Goberno Local son secretas.

Pode consultar as ordes do día da Xunta de Goberno Local na web do xornal dixital: xornal.vigo.org, onde se publican cada venres. As actas da Xunta de Goberno Local incorporaranse na sede electrónica do Concello de Vigo.

• Ordes do día da Xunta de Goberno Local
• Actas da Xunta de Goberno Local

Membros da Xunta de Goberno Local:

• Alcalde-Presidente:
  • D. Abel Caballero Álvarez.
• Concelleiros:
  • Dª. Mª. Carmen Silva Rego.
  • D. Francisco Javier Pardo Espiñeira.
  • D. Carlos López Font.
  • Dª. Mª José Caride Estévez.
  • D. Cayetano Rodríguez Escudero.
  • Dª. Olga Alonso Suárez.
  • Dª. Nuria Rodríguez Rodríguez.
  • Dª. Mª. Isaura Abelairas Rodríguez.
  • D. Jaime Aneiros Pereira.
• Concelleira - Secretaria:
  • Dª. Nuria Rodríguez Rodríguez.
• Suplente primeira:
  • Dª. Mª Isaura Abelairas Rodríguez.
• Suplente segundo:
  • D. Cayetano Rodríguez Escudero.

Día de realización das sesións:

A Xunta de Goberno Local, previa convocatoria da Alcaldía, realizará sesión ordinaria, con periodicidade semanal, todos os xoves non festivos ás 9 horas da mañá.
Sen prexuízo da dita periodicidade, o Alcalde poderá modificar o día e a hora de realización das sesións, así como suspendelas, en Semana Santa, Navidade ou pola coincidencia con outros períodos festivos, así como pospoñer ou avanzar a súa realización dentro da mesma semana ou a inmediatamente posterior, cando o día de realización sexa inhábil ou concorran circunstancias especiais.

Lugar de realización das sesións:

Sala de reunións: 1º andar. Concello de Vigo. Praza do Rei, s/n. 36202 Vigo.

Normativa:

• Resolución da Alcaldía do 15/06/2015 de nomeamento membros da Xunta de Goberno Local e da súa Secretaría; periodicidade das sesións.
• Acordo da Xunta de Goberno Local do 19/06/2015 de delegación das súas competencias en concelleiros-delegados de áreas.
• Resolución do 19/06/2015 de delegación de competencias do alcalde na Xunta de Goberno Local.
• Proposta de alcaldía do 30/12/2016 de modificación do acordo da XGL do 19/06/15, de delegación de competencias da xunta de goberno local nos concelleiros-delegados. (Expediente 74/1102).
• Proposta de alcaldía do 20/01/2017 de modificación do acordo da XGL do 19/06/15, de delegación de competencias da xunta de goberno local nos concelleiros-delegados. (Expediente 74/1102).
• Resolución de alcaldía do 27/01/2017 de modificación das datas de realización das sesións ordinarias da xunta de goberno local.
• Rectificación de erro material no acordo da XGL do 20/07/2017 de modificación do réxime de delegacións da xunta de goberno local nos concelleiro-delegados. (Expediente 74/1102).
• Acordo da Xunta de Goberno Local do 15/03/2018 de modificación de acordos de delegación de competencias da XGL nas concellerías delegadas (Expediente 303/1102).
• Acordo da Xunta de Goberno Local do 10/05/2018 de modificación do acordo de data 19/06/15, de delegación de competencias da XGL nos concelleiros- delegados de área en materia de contratación (Expediente 334/1102).
• Acordo da Xunta de Goberno Local do 14/06/2018 de modificación do acordo de data 19/06/15, de delegación de competencias da XGL nos concelleiros delegados de área a xestión económica para a tramitación e aboamento das cotas das Comunidades de Propietarios ás que pertenza o Concello de Vigo e que correspondan a súa Área competencial (Expediente 355/1102).
• Delegación de competencias da Xunta de Goberno Local nos concelleiros de área e nos demais delegados de competencias (Texto refundido actualizado en data 14/06/2018)
• Resolución da Alcaldía do 09/07/2018 de modificación da composición da Xunta de Goberno Local.
• Resolución de alcaldía do 11/09/2018 de modificación da composición da Xunta de Goberno Local do Concello de Vigo.
• Acordo da Xunta de Goberno Local do 20/09/2018 de modificación de delegación de competencias da Xunta de Goberno Local nos concelleiros/as de área en materia de contratación. Expte. 430/1102.