Información sobre drogas

Energy Control. 

Energy Control é un proxecto da ONG Asociación Benestar e Desenvolvemento (ABD). O noso ámbito de actuación é estatal e contamos con delegacións nas Comunidades Autónomas de Cataluña, Madrid, Illas Baleares e Andalucía.

Energy Control xurdiu en Barcelona en 1997 como un proxecto pionero en España no ámbito da redución dos riscos asociados ao consumo recreativo de drogas, habendo recibido desde entón o recoñecemento de numerosas administracións (europeas, estatais, comunitarias e locais) así como o apoio e colaboración do propio sector do lecer nocturno e unha excelente aceptación por parte dos nosos destinatarios finais: os consumidores de drogas.

Fad. A Fundación de Axuda contra a Drogadicción é unha institución privada, sen ánimo de lucro, non confesional e independente de toda filiación política, de carácter benéfico-asistencial, e dotada de status consultivo con categoría II ante o Consello Económico e Social das Nacións Unidas. A FAD, ten como misión fundamental a prevención dos consumos de drogas e as súas consecuencias.