Sala de revelado fotográfico

Tedes á vosa disposición un laboratorio fotográfico, que vos permitirá realizar revelados en branco e negro. Só tedes que traer o papel e os líquidos para o revelado e o laboratorio vos ofrece o resto do material necesario.

• Localización: segundo andar da Casa da Xuventude (acceso a persoas con mobilidade reducida ata o primeiro andar)
• Superficie: 7,5m²
• Horario: de luns a venres de 08:00 a 14:00 e de 16:30 a 20:30 horas.
• Contacto: Casa da Xuventude
• Solicitudes: Consulta o trámite na Oficina Virtual
• Carta de Servizos da Sala de Revelado.

Observacións

• É necesario realizar unha solicitude previa de uso da Sala de Revelado indicando o calendario de horas que desexades. Ver impreso de solicitude e trámite na Oficina Virtual. En breve recibiredes información sobre a súa aceptación e o calendario dispoñible.
• Debedes achegar unicamente o papel e os líquidos necesarios para o revelado en branco e negro,
• Nin a Concellaría de Xuventude nin a Casa da Xuventude se responsabilizan do uso defectuoso do material.
• O mantemento, orde e limpeza dos elementos específicos do laboratorio son responsabilidade das usuarias e usuarios.
• En caso de detectarse algunha anomalía ou defecto polo uso incorrecto dos distintos materiais, a Concellaría de Xuventude pode anular este servizo, ou en calquera caso, denegar o seu uso á persoa que incumpra o compromiso de correcta utilización do Laboratorio e/ou os seus materiais.

Material a disposición das usuarias e usuarios

• 3 ampliadoras, 1 con soporte para filtros.
• 2 portanegativos para ampliadora (2x6x6 y 1x35mm).
• 2 obxectivos de ampliadora de 50mm.
• Cubetas: 7 medianas e 2 grandes.
• 3 pinzas.
• Secador de negativos.
• 7 tanques de revelado modelo Patterson.
• 3 marxinadores.
• 4 luces de seguridade.
• Temporizador de ata 120 segundos.
• Botes para líquidos tipo fol.
• Soporte para facer tiras de contacto.
• Guillotina.
• Probetas graduadas.
• Quentador.
• 2 cronómetros.
• Funís.