Escudo Concello de Vigo

Cultura

Centro de Artesanía Tradicional (CAT)

Enderezo: rúa Subida ao Castelo nº 10
Teléfonos: 986 227 424 / 986 220 758
Páxina web: hoxe.vigo.org/artesania
e-mail: cat.concello.vigo@telefonica.net

Horario:

  • De luns a venres de 10 a 14 horas.

O Centro de Artesanía Tradicional (CAT) é un centro adscrito ao Servizo de Patrimonio Histórico do Concello de Vigo, o cal iniciou o seu traballo no marco do programa europeo URBAN no ano 1999.

O CAT programa a súa actividade de cara á coordinación, planificación e dinamización do conxunto de actuacións propostas no ámbito da protección e promoción da Artesanía Tradicional Galega.

O campo de actuación está dirixido en primeira instancia á investigación, promoción e divulgación de sete oficios tradicionais: o dos ferreiros, as tecedoras, os gornicioneiros, os canteiros, os carpinteiros, os oleiros e os cesteiros.

Os obxectivos do CAT son protexer o patrimonio cultural dos oficios artesanais tradicionais de Galicia, a través da súa investigación, promoción e divulgación, e contribuír á rehabilitación económica, cultural e comercial do Centro Histórico de Vigo, a través da promoción e desenvolvemento do sector artesán tradicional na zona.

O CAT oferta, ademais, actividades formativas dirixidas a escolares e ao público en xeral, coa finalidade de potenciar e dar a coñecer os oficios tradicionais.

 
 

Concello de Vigo

Praza do Rei 1 - 36202 - Vigo (Pontevedra)

Teléfono Concello de Vigo: 010 - 986810100