Programa Emprego - Calidade

Este programa pretende dar a coñecer todas as subvencións e bonificacións ao emprego indefinido ao tecido empresarial de Vigo.

O concello promoverá a realización de xornadas a través das cales preténdese achegar valor á calidade do emprego como xeito de conseguir un emprego máis produtivo.

O Programa Emprego-Calidade promoverá os pactos sectoriais entre os diferentes sectores produtivos da cidade. Para iso, o Observatorio do mercado de traballo de Vigo elaborará análises nos que se observe a evolución mensual da contratación indefinida, por sectores de actividade, achegando medidas para aqueles con menores índices.

A difusión da Responsabilidade Social Empresarial (RSE), que vai ligada coa calidade do emprego, é un dos obxectivos deste programa. Por este motivo establecerase un Protocolo de Colaboración coa Consellería de Traballo cara a difusión da RSE, valorando aquelas pequenas e medianas empresas que adoptan este tipo de iniciativas.

Nos concursos públicos, o Concello terá en conta especialmente os niveis de estabilidade dos persoais dos seus provedores, outorgando unha maior puntuación en función da súa taxa de estabilidade.