|
GA
Escudo Concello de Vigo

Empleo Local

Noticias de Empleo

Lista de noticias

Noticias

04/12/2017. Vinte persoas integran a I Lanzadeira de Emprego de Vigo

Foto noticia
David Regades, primeiro tenente de alcalde vigués, visitou este luns a primeira lanzadeira de emprego da cidade asentada nos próximos cinco meses no Auditorio Mar de Vigo e conformada por 20 persoas desempregadas, 13 mulleres e 7 homes, que buscan un traballo ou novas oportunidades laborais. Na lanzadeira realizarán diversas actividades formativas co obxectivo de conseguir a súa inserción laboral. A iniciativa foi posta en marcha polo Concello xunto á Fundación Telefónica e á Fundación Santa María la Real e cofinanciada polo Fondo Social Europeo. (Ver noticia en xornal.vigo.org)

23/11/2017. Caballero aposta por que as innovacións en seguridade industrial "beneficien a toda a sociedade"

Foto noticia
O alcalde inaugurou o primeiro Congreso Internacional "A prevención e a Seguridade Industrial 4.0" que se celebra hoxe xoves e mañá venres no Círculo de Empresarios de Galicia. Durante a súa intervención, destacou a importancia de que a "capacidade de innovar beneficie ao conxunto da sociedade".
(Ver noticia en xornal.vigo.org)

13/11/2017. 25 persoas desempregadas formaranse en programación JAVA grazas ao Concello e Telefónica

O alcalde lembrou a importancia da temática deste obradoiro chamado "Empleo digital", que xorde tras o convenio asinado polo goberno local coa Fundación Telefónica. (Ver noticia en xornal.vigo.org)

09/11/2017. O Concello formará a 165 menores de 30 anos en tecnoloxías, informática, cociña ou linguas

O programa "Vigo polo emprego da mocidade" permitirá ao Concello impartir formación a 165 mozos e mozas menores de 30 anos para facilitar a súa inserción laboral. Esta iniciativa, dotada con 670.000 euros, está financiada nun 80% con fondos Feder. (Ver noticia en xornal.vigo.org)

07/11/2017. O Concello recibe un premio do Ministerio de Economía pola defensa do pequeno comercio

Os Premios Nacionais de Comercio Interior 2017 veñen de recoñecer a labor do Concello en pro do comercio como motor económico da cidade. O Ministerio de Economía, Industria concedeulle a Vigo unha mención honorífica na categoría de concellos. (Ver noticia en xornal.vigo.org)

02/11/2017. O Concello e a Fundación Telefónica formarán a 25 vigueses na linguaxe de programación JAVA

Foto noticia
O alcalde, Abel Caballero, tomou parte este xoves na presentación pública, xunto á directora de Telefónica en Galicia, Marta Menéndez, e o director de Relacións Institucionais e Coordinación Territorial da Fundación Telefónica, Joan Cruz. O curso formará durante cinco meses a alumnado de entre 18 e 35 anos nunha das linguaxes de programación con máis demanda no sector tecnolóxico. (Ver noticia en xornal.vigo.org)

26/10/2017. O alcalde avoga por "tirar todos os muros de contención que van contra os dereitos das mulleres"

Foto noticia
O alcalde participou esta mañá na apertura do II Salón Empresarias de Galicia onde insistiu na necesidade de levar a bandeira de igualdade en todos discursos públicos e en todos os ámbitos. No Auditorio Mar de Vigo, eloxiou ás asistentes, mulleres con "gran capacidade que conseguiron romper paredes que parecían inamovibles".
(Ver noticia en xornal.vigo.org)

19/10/2017. O rexedor destaca o papel das infraestruturas para construír os novos modelos de cidade

Foto noticia
No marco da inauguración do III Congreso Internacional de Enxeñería Civil e Territorio Galicia-Norte de Portugal, que reúne na cidade a máis de 300 especialistas en xestión e conservación de obra pública, Abel Caballero salientou o papel dos enxeñeiros na vertebración dos novos modelos de cidade pensadas para a infancia, os maiores e as persoas con discapacidade. Amais, puxo en valor a revolución imparable de Vigo coas humanizacións, ramplas e ascensores que melloran a calidade de vida da cidadanía.
(Ver noticia en xornal.vigo.org)

04/10/2017. O Concello ultima o proxecto de rehabilitación do Mercado de Teis

Foto noticia
Abel Caballero explicou este mércores que está "practicamente redactado" un proxecto que incluirá a renovación do pavimento, a reforma e adaptación dos baños, o pintado e unha mellor distribución dos espazos. "Chegou a hora da reforma do Mercado de Teis", indicou antes de participar na entrega de premios da 4ª Ruta de Pinchos no barrio. (Ver noticia en xornal.vigo.org)

04/10/2017. O Concello e os enxeñeiros técnicos industriais estreitan lazos de cooperación

Foto noticia
O alcalde mantivo esta mañá un encontro co Consello Galego de Enxeñeiros Técnicos Industriais para estreitar lazos de cooperación. Entre outros asuntos abordouse a petición do colectivo de que sexan profesionais con formación técnico industrial os que validen as comunicacións previas para a entrega de posteriores licenzas. (Ver noticia en xornal.vigo.org)