Escudo Concello de Vigo

Deportes

Eventos deportivos

A cidade de Vigo é históricamente unha cidade para o deporte. Proba de elo son os máis de 300 eventos deportivos de todos os niveis e modalidades que se celebran anualmente na cidade, e que a converten nun gran terreo de xogo e punto de referencia para a maioria dos calendarios deportivos de competición.

Eventos deportivos:

A cidade de Vigo é históricamente unha cidade para o deporte. Proba de elo son os máis de 300 eventos deportivos de todos os niveis e modalidades que se celebran anualmente na cidade, e que a converten nun gran terreo de xogo e punto de referencia para a maioria dos calendarios deportivos de competición.

Eventos deportivos:

27/05/2018: VII Carreira da Cereixa

Foto noticia

Terceira entrega das oito que forman o circuíto municipal Run Run Vigo de carreiras populares, que se celebrará o domingo 27 ás 10:30 horas en Beade e que está patrocinada polo Concello de Vigo.

A entrega do dorsal, chip e agasallos para esta VII Carreira da Cereixa farase o sábado 26 de 17:30 a 21:00 horas nas instalacións da Asociación de Veciños de Beade e o mesmo día da carreira de 9:00 a 10:00 horas.

A organización desta proba porá a disposición dos/as atletas un servizo de duchas no colexio Coutada – Beade, e aparcamento en devandito centro ata as 9:45. A partires desa hora aparcarase nos arredores da igrexa.

A proba é duns 10.000 metros, dando dúas voltas a un circuíto de cinco quilómetros. Ademais da carreira absoluta está prevista unha de nenos nados entre 2001 e 2006.

(Ver información)

11/05/2018: 52 Rallye Rías Baixas

Foto noticia

Volta o Rallye Rías Baixas, os días 11 e 12 de maio. O venres sairá do parque pechado de Samil ás 18:20 horas con dirección a porta do Sol. O primeiro tramo cronometrado será en Gondomar ás 19:43. Oficiñas e podio, no Verbum. O Concello de Vigo e a Deputación de Pontevedra patrocinan a proba, puntuable para o Campionato Galego de rallys.

(Ver información)

06/05/2018: XXIII Xogos Autonómicos Special Olympics de fútbol sala

Foto noticia

O complexo das Travesas recibe este domingo 6 os XXIII Xogos Autonómicos Special Olympics de fútbol sala dende as 10:45 horas, con organización da Asociación San Francisco.

Será o único dos eventos que Special Olympics programe en 2018 en Vigo. Cada ano, o complexo das Travesas (ou Balaídos) recibe unha proba destes campionatos galegos nos que participan asociacións que fomentan o deporte entre os discapacitados intelectuais. O fútbol sala regresa á cidade cinco anos despois.

Nesta oportunidade, o fútbol sala convoca a 19 entidades de toda Galicia e uns 400 participantes entre xogadores, técnicos e voluntarios.

A competición desenvolverase dende as 12:00 horas ena Pista Vermella do complexo das Travesas.

O Concello de Vigo patrocina o evento como é habitual e o edil de Deportes. Manel Fernández, animará aos participantes durante tan intensa xornada.

(Ver información)

05/05/2018: III Trofeo Cidade de Vigo de ximnasia - VI Torneo Maniotas

Foto noticia

Regresa o Torneo Maniotas o sábado 5 de maio, por terceiro ano consecutivo como Trofeo Cidade de Vigo de ximnasia.

A ximnasia tomará o Central das Travesas dende as 10:00 horas pola mañá (competición escolar) e dende as 16:00 horas polo serán co torneo federado.

(Ver información)

29/04/2018: XVIII Torneo Concello de Vigo de minibásquet

Foto noticia

O 29 de abril, tempo para a competición feminina dende as 10:30 horas e ao longo de todo o día. O martes 1, peche do torneo co campionato masculino, tamén co seu comezo a partires das 10:30 horas.

O evento está incluído dentro do programa municipal Gañamos todos, polo que o custo das pistas é gratuíto, pois a Concellería de Deportes que preside o edil de Deportes, Manel Fernández, pretende promocionar o baloncesto con este tipo de accións de apoio.

(Ver información)

03/12/2017: Primeira xornada da Liga de Natación Concello de Vigo para escolares

A piscina do Carme retoma o frenesí este domingo 3 de decembro (9:30 horas) coa disputa da primeira das catro xornadas da Liga Escolar de Natación Concello de Vigo.

Os máis novos deportistas dos colexios da cidade competirán durante toda a mañá nas categorías promesa (nacidos de 2010 a 2012) e benxamín (de 2006 a 2009), tendo que nadar en dúas probas: 25 metros libres e 25 metros costas.

Esta competición está organizada pola Concellería de Deportes do Concello de Vigo, coa dirección técnico-deportiva do Club Natación Vigo Rías Baixas, coa colaboración da Fundación VIDE.

(Ver información)

12/11/2017: Carreira Solidaria Érguete e Corre

O domingo 12 ás 10:00 horas dispútase a Carreira Solidaria Asociación Érguete.

Dende o Paseo de Alfonso, saída e meta, haberá dous percorridos, un de 5 quilómetros e outro de 10. Unha primeira saída terá lugar ás 10:00 horas coa partida da pedalada de 5 quilómetros e unha carreira non competitiva para nenos de 3 a 9 anos, e unha segunda (11:00 horas) co comezo ao tempo dos participantes no 10.000 cronometrado e competitivo e dun 5K que se pode facer andando ou correndo e que non dá gañadores. A proba para nenos é a novidade este ano.

O percorrido é: Pi y Margall, Tomás Alonso, Paz, Jacinto Benavente, Beiramar, Berbés, Cánovas del Castillo, García Olloqui, Plaza de Compostela, Areal, Inés Pérez de Ceta, Rosalía de Castro, Colón, Policarpo Sanz e Elduayen.

(Ver información)

29/10/2017: V Carreira solidaria pola Esclerose Múltiple

As carreiras populares son un excelente reclamo para causas que necesitan da concienciación cidadá e o Concello apoia as mesmas con loxística.

A quinta edición da Carreira Solidaria pola Esclerose Múltiple dispútase o domingo 29 de outubro (11:00 horas) nun circuíto urbano de 5,4 quilómetros ao que se poderán dar unha (5K) ou dúas voltas (10K). Haberá tamén unha andaina.

Con saída e meta na Alameda de Suárez Llanos (Bouzas), o percorrido previsto é o seguinte: Alameda Suárez Llanos, praza M. Diego Santos, Pazo, praza da Vila de Bouzas, Santo Cristo, Eduardo Cabello, avenida Beiramar, Coruña, Tomás Alonso, Camilo Veiga, Tomás Paredes, avenida Castelao, Pardaíña, Camiño Caringosta, avenida Atlántida, Ferreiros, praza M. Diego Santos e Alameda Suárez Llanos.

(Ver información)

22/10/2017: V Carreira Vigo contra o cancro

Regresa o domingo 22 de outubro (10:00 horas) esta proba solidaria que recauda fondos para patrocinar cos ingresos un proxecto de investigación contra o cancro, nesta oportunidade unha acción das universidades de Santiago e Burgos.

Como cada año, os fondos van a un proxecto de investigación contra o cancro, a excepción dunha pequena parte para actividades cos nenos de oncoloxía do hospital Álvaro Cunqueiro. Este ano a colaboración é con Requite.

É un proxecto europeo, co que traballan varios grupos, un deles de Santiago. O seu obxectivo é predecir que pacientes son máis propensos a sufrir efectos secundarios despois da radioterapia.

O percorrido deste evento, que patrocina o Concello de Vigo, é o seguinte: avenida Castelao, rúa Porriño, avenida Florida, Praza de América e avenida Castelao.

Haberá dúas probas ao tempo, unha non competitiva de 5.000 metros e outra de 10.000 (dúas voltas ao circuíto) xa competitiva.

A saída e meta estará emplazada nos volcáns de Castelao. A primeira saída será ás 10:00 horas (a de 5.000 non competitiva). Ás 10:45, a competitiva de 10.000, proba incluída no circuíto de carreiras populares Run Run Vigo.

(Ver información)

14/05/2017: Holi Run 2017

Foto noticia

A Holi Run volve por cuarto ano consecutivo o domingo 11 de maio ás 11:00 horas na contorna da praia de Samil.

A proba, que se pode facer correndo ou andando, ten o único obstáculo de que os seus participantes rematan os 5.000 metros do circuíto pintados de mil cores, pois ao longo do percorrido espéranlles 8.000 quilos de po de cores.

A Concellería de Deportes apoia este evento e o Concello facilita a loxística para o seu perfecto desenvolvemento.

(Ver información)