Escudo Concello de Vigo

Deportes

Eventos deportivos

A cidade de Vigo é históricamente unha cidade para o deporte. Proba de elo son os máis de 300 eventos deportivos de todos os niveis e modalidades que se celebran anualmente na cidade, e que a converten nun gran terreo de xogo e punto de referencia para a maioria dos calendarios deportivos de competición.

Eventos deportivos:

A cidade de Vigo é históricamente unha cidade para o deporte. Proba de elo son os máis de 300 eventos deportivos de todos os niveis e modalidades que se celebran anualmente na cidade, e que a converten nun gran terreo de xogo e punto de referencia para a maioria dos calendarios deportivos de competición.

Eventos deportivos:

28/04/2017: Challenge Cup 2017

A novena edición da Challenge Cup, cuarta competición europea que organiza a IWBF, a Federación Internacional de Baloncesto en Cadeira de Rodas, celébrase nos polideportivos de Navia e Bouzas (Pablo Beiro) do 28 ao 30 de abril.

(Ver información)

23/04/2017: Happy Go Running - 10Km Cidade Universitaria

Foto noticia

Carreira Pedestre organizada polo Servizo de Deportes da Universidade de Vigo que discorre polos arredores do Campus Universitario de Lagoas Marcosende, chegando ata a Cidade Deportiva do Círculo Mercantil. A proba sairá ás 11:00 horas da zona da piscina universitaria o domingo 23.

O evento, un dez mil (pero tamén haberá un 6.600)), pertence ao Run Run Vigo, o programa de carreiras populares do Concello de Vigo.

É esta a segunda carreira desta liga que admite tanto a atletas populares como a federados. Ademais, por terceiro ano consecutivo o evento será carreira Galaico-Duriense.

(Ver información)

23/04/2017: XXXVIII Cross Escolar Mosteiro Bembrive

Dentro do programa municipal para o fomento do atletismo, o Concello apoia unha serie de campionatos escolares de campo a través que este domingo 23, ás 10:00 horas, ten a súa parada no CEIP Mosteiro Bembrive.

Así, este tradicional evento encherá o centro académico e a súa contorna de ambiente deportivo.

O Concello, que se encarga do patrocinio da proba, entrega as medallas e recursos logísticos e elementos promocionales.

(Ver información)

23/04/2017: Segunda xornada da IV Liga Concello de Vigo de natación escolar

Foto noticia

O domingo 23, na piscina do Carmen, celébrase a segunda xornada da Liga de Natación Escolar Concello de Vigo 2017. Esta cuarta edición xa conta con medio milleiro de inscritos.

Esperamos que esta xornada, que comeza ás 9:00 horas, sexa de novo unha festa da natación escolar.

A categoría Benxamín está convocada ás 8:40 horas para comezar a nadar ás 9:00, mentras que a categoría promesa debe estar na piscina ás 10:40 para iniciar as quendas ás 11:00.

(Ver información)

22/04/2017: II Trofeo Internacional Concello de Vigo de grupos show

Foto noticia

Uns 800-900 patinadores e patinadoras de clubs de Galicia, Madrid, Castela-León, Andalucía e Portugal compiten o sábado 22 e o domingo 23 na segunda edición do Trofeo Concello de Vigo de grupos show, evento impulsado e coordinado pola Concejalía de Deportes.

Ás 16:15 horas ponse en marcha este campionato, que este ano é Copa Galega de grupos show, ideado polo Concello, que cedeu a organización ao Patín Vagalume e que convoca a Federación Galega de Patinaxe.

(Ver información)

22/04/2017: XXI Xogos Autonómicos Special Olympics de baloncesto

O complexo das Travesas recibe este sábado 22 os XXI Xogos Autonómicos Special Olympics de baloncesto dende as 10:45 horas, con organización da Asociación San Francisco.

Será o único dos eventos que Special Olympics programe en 2017 en Vigo. Cada ano, o complexos das Travesas (ou Balaídos) recibe unha proba destes campionatos galegos nos que participan asociacións que fomentan o deporte entre os discapacitados intelectuais. O baloncesto regresa á cidade tres anos despois.

Nesta oportunidade, o baloncesto convoca a 20 entidades de toda Galicia e uns 400 participantes entre xogadores, técnicos e voluntarios.

A competición desenvolverase dende as 12:00 horas en pavillóns das Travesas (Vermella, Frontón e Carme) e da Polideportiva de Balaídos.

O Concello de Vigo patrocina o evento como é habitual e o edil de Deportes. Manel Fernández, animará aos participantes durante tan intensa xornada.

(Ver información)

02/04/2017: XVIII Medio Maratón Gran Bahía Vig-Bay

Foto noticia

A Vig-Bay volve un ano máis, nesta oportunidade como primeira proba do Run Run Vigo, o circuíto de carreiras populares que patrocina e lle da pulo o Concello de Vigo.

Cinco mil corredores e corredoras sairán dende a contorna do museo Verbum para rematar a competición en Baiona.

(Ver información)

26/03/2017: Primeira xornada da IV Liga Concello de Vigo de natación escolar 2017

Foto noticia

O domingo 26, na Piscina do Carme, comeza a Liga de Natación Escolar Concello de Vigo 2017. Esta cuarta edición espera acadar novos récords de participación.

Agardamos que esta xornada, que comeza ás 9:30 horas, sexa de novo unha festa da natación escolar.

(Ver información)

12/03/2017: Cross Escolar colexio Monterrey

Este domingo 12 de marzo celébrase o cross escolar colexio Monterrey, polas rúas próximas ao colexio ás 10:30 horas.

É a primeira das seis probas programadas este ano para o fomento do atletismo entre a poboación escolar viguesa, dentro do Programa Municipal de Cross Escolar que apoia a Agrupación de Atletismo Escolar Xóvenes Atletas.

A organización estima uns 300 participantes nesta competición que procura animar aos nenos e nenas a realizar deporte saudable.

(Ver información)

12/03/2017: VIGO BIKE CONTEST 2017 - XVIII TROFEO CIDADE DE VIGO

Foto noticia

O domingo 12 de marzo vaise levar a cabo nos montes de Coruxo a tradicional proba, que reúne a 250 "bikers" de España e Portugal e é clasificatoria para o circuíto mundial de Enduro 2018, as Enduro World Series.

(Ver información)

26/02/2017: III Trofeo Cidade de Vigo de baile deportivo

Foto noticia

O pavillón Central das Travesas recibe o domingo 26 de febreiro dende as 11:00 horas o III Trofeo Cidade de Vigo de baile deportivo, competición puntuable para o ránking nacional Standard e Latinos, ademais de ser open internacional.

O club Pasos-Bailegalicia organiza o evento, no que se estima a presenza de catrocentos participantes.

As modalidades de baile standard son cinco (vals inglés, vals vienés, tango, slow fox e quickstep), por outras cinco de bailes latinos (samba, cha-cha-chá, rumba-bolero, pasodoble e jive).

A competición divídese en cinco grupos de idade, dende a categoría xuvenil (menos de 12), junior (12 a 15), youth (16 a 18), adulto (máis de 18) e sénior (máis de 35).

O Concello patrocina o evento, no que cede de balde a instalación cun convenio entre o club e a Concellería de Deportes.

(Ver información)

26/02/2017: II Trofeo Entroido

Foto noticia

O Grupo Celta Atletismo organiza por segundo ano consecutivo unha das competicións máis divertidas do atletismo en pista para nenos, o “II Trofeo de Entroido en pista Celta Atletismo”.

A actividade volve a contar co patrocinio da Concellería de Deportes do Concello de Vigo, ademais doutros patrocinadores.

A cita será o domingo 26 de febreiro na Pista de Atletismo de Balaidos (Vigo) en xornada de mañá.

(Ver información)

13/02/2017: Gala do Circuíto Run Run Vigo de carreiras populares

Foto noticia

A partires das 20:00 horas, o alcalde de Vigo, Abel Caballero, acompañado polo concelleiro de Deportes, Manel Fernández, presenta o novo circuíto de carreiras populares 2016 e entrega os premios da edición de 2016, ademais dos premios especiais.

Será o luns 13 de febreiro no auditorio municipal de Praza do Rei.

(Ver información)

04/02/2017: XVI Campionato de Galicia de grupos show

Foto noticia

O sábado 4 de febreiro, a partires das 17:30 horas, dispútase no Central das Travesas o campionato autonómico de grupos show, grandes e pequenos, baixo a organización do Carpa Grupo Viqueira.

Están inscritos para o evento ata dezaoito grupos, oito grandes e dez pequenos, pertencentes aos clubs máis representativos da comunidade autónoma, catro de eles de Vigo (Carpa, Vagalume, Valadares e Coruxo).

(Ver información)

29/01/2017: VII Duatlón Cross de Candeán

O domingo 29, ás 11:00 horas, disputarase a sétima edición do Duatlón Cross de Candeán, patrocinado polo Concello de Vigo.

Os participantes sairán dende o parque forestal do Vixiador para competir na proba que organiza o Club Triatlón Mar de Vigo.

Os inscritos correrán un sector de 5.500 metros, terán que dar tres voltas a un circuíto en BTT (20 kms.) e farán unha segunda carreira a pé (2.750 metros).

(Ver información)

27/01/2017: Liga Linco Concello de Vigo

A Liga Interna de Colexios (Linco) dispútase no Multiusos de Navia dende o venres 27 de xaneiro ao venres 26 de maio.

Co patrocinio do Concello de Vigo, o Baloncesto Seis do Nadal organiza esta competición para 150 nenos e nenas de tres escolas (Navia, Balaídos e O Berbés) e catro colexios (os CEP Celso Emilio Ferreiro e Doctor Fleming, e os CEIP Seis do Nadal, Illas Cies, Javier Sensat e Pintor Laxeiro).

Cada venres (16:00 a 18:00 horas) ata a penúltima semana de maio os nenos de 6 a 12 anos disputarán partidos co obxectivo de que vaian entrando na dinámica competitiva, dentro do programa municipal de escolas deportivas, aínda que sen vencedores nin vencidos.

(Ver información)

22/01/2017: II Circuíto Concello de Vigo de pista - segunda xornada das Series Municipais

O Circuíto Concello de Vigo de atletismo en pista disputa a súa segunda xornada no estadio atlético de Balaídos o domingo 22 dende as 11:00 horas.

Co patrocinio da Concellería de Deportes e o apoio técnico da Agrupación Viguesa de Atletismo (AVA), os clubs galegos achéganse ao remate do programa invernal.

(Ver información)

15/01/2017: II Circuíto Concello de Vigo de atletismo en pista - 1ª xornada

A Agrupación Viguesa de Atletismo, co patrocinio da Concelleria de Deportes, organiza por segundo ano consecutivo o Circuíto Concello de Vigo de atletismo en pista, as tradicionais Series Municipais.

Haberá un total de sete xornadas, de xaneiro a xullo, as dúas primeiras correspondentes ao programa de inverno. A primeira proba, ás 10:30 horas do 15 de xaneiro.

A organización está pendente dos calendarios oficiais da RFEA e da Federación Galega polo que algunha das citas atléticas en Balaidos pode mudar de data.

(Ver información)

31/12/2016: XII San Silvestre

Foto noticia

O sábado 31 ás 17:00 horas, celebrarase a XII San Silvestre solidaria. Será o cuarto ano consecutivo no centro da cidade.

A proba mantense na Alameda pero mellora substancialmente o percorrido, ao dar unha soa volta a un circuíto de 4 quilómetros que con saída e meta no comezo de Areal chega nos seus extremos ata a estación de tren en Areal e O Berbés, cubrindo o Ensanche e o Casco Vello.

Haberá premios para os cinco mellores disfraces individuais e os cinco mellores de grupo.

(Ver información)

26/12/2016: IV Torneo de Nadal Concello de Vigo

Foto noticia

Dende o luns 26 ao venres 30 estará en xogo o IV Torneo Concello de Vigo de Nadal en dez campos municipais da cidade.

O xoves 29 terá lugar a final alevín no Municipal Pahiño de Navia e o venres 30, en el mismo escenario, as finais polo título en prebenxamín, benxamín e infantil, ademais do torneo autonómico alevín, co campión do día anterior máis Celta, Deportivo, Lugo, Ponte Ourense e Conxo.

A partires das 18:30 do día 30, a entrega de medallas no polideportivo de Navia, no que durante toda a xornada haberá o chamado torneo autonómico alevín e as finais das categorías prebenxamín, benxamín e infantil.

(Ver información)

18/12/2016: XXIV Festa do Judo Infantil

Foto noticia

Vigo vive a XXIV Festa do Judo Infantil, Trofeo Mestre De Frutos.

Nesta oportunidade volta o evento ao Instituto Feiral de Vigo (Ifevi) despois de que no 2015 mudara ás Travesas.

O Concello de Vigo, por medio da Concellería de Deportes, asume o patrocinio institucional dun evento que contará con 1.500 nenos e nenas.

(Ver información)

18/12/2016: 55 Gran Premio Pedestre de Nadal - Carreira do Pavo

Foto noticia

O Gran Premio Pedestre de Nadal, coñecido como a Carreira do Pavo por agasallar co devandito premio ao vencedor e á vencedora da carreira absoluta, dispútase este domingo na Alameda.

O Concello apoia o evento con infraestructura, Policía Local, Protección Civil e trofeos.

Horario das probas

10:30. Benxamín-alevín (2006 a 2009). Circuíto de 1.000 metros.

10:45. Infantil-cadete (2002 a 2005). Circuíto de 2.000 metros.

11.00. Absoluta de 5 kms. (xuvenil, júnior, sénior e veteranos). Absoluta de 10 kms. (sénior e veteranos). Saída conxunta.

(Ver información)

17/12/2016: XI Festival de Nadal do Flic Flac

Foto noticia

A pista central do pavillón municipal das Travesas vivirá, entre as 17:00 e as 20 horas, o XI Festival de Nadal organizado polo Club Flic Flac.

Asistirán máis de trescentos ximnastas das escolas deportivas municipais, dos equipos de competición e acrominis así como dos colexios Cluny, CEIP Fleming, CEIP Carballal, CEIP Sobreira, CEIP Canicouva, CEIP Javier Sensat, CEIP Humberto Juanes (Nigrán), CEIP Ramiro Sabel (Ponteareas) e Cova Terreña (Baiona) ademais da escola Acrobática de Gondomar.

Serán case tres horas de acrobacias ambientadas no cine musical.

(Ver información)

11/12/2016: XI Subida ao Castro

Foto noticia

Ao mediodía do domingo 11, dende Montero Ríos e ata o monte do Castro (castelo do Castro), os atletas populares correrán a dura Subida ao Castro, derradeira proba do Circuíto Run Run Vigo de carreiras populares.

(Ver información)

11/12/2016: XVI Memorial Andrés Abanqueiro

Foto noticia

O Memorial Andrés Abanqueiro de cross escolar regresa este domingo 11 (10:30 horas) un ano máis e con forza. O Concello apoia esta carreira, que reúne a máis de seiscentos nenos e nenas no parque de Castrelos.

Dende os pitufos, nacidos en 2012 e 2013, ata os cadetes (anos 2002 e 2003), o Memorial que reúne ás futuras xeracións de atletas está organizado pola Agrupación Viguesa de Atletismo (AVA).

As distancias a percorrer serán de 150 metros os pitufos ata os 3.555 metros da categoría cadete, cuxa saída está prevista para as 11:00 (categoría feminina) e 11:15 horas (masculina). Pecharán a xornada precisamente os pitufos (12:30). Ás 10:30, a primeira proba prevista é a infantil feminina (1.615 metros).

(Ver información)

10/12/2016: VI Carreira Solidaria Nocturna de Bembrive - IV Memorial Manuel Dalmeida

Foto noticia

A VI Carreira Nocturna de Bembrive - IV Memorial Manuel Dalmeida celebrarase o sábado 10 ás 20:00 horas organizada pola Entidade Local Menor de Bembrive.

A proba atlética, para maiores de 16 anos, sairá dende a Praza do Mosteiro, en Bembrive. percorrendo a rúa Igrexa, Subida Monte Calvario, rúa Mandín, camiño dos Novelos, camiño de Espedrás e Estrada de Bembrive. Serán tres voltas ao circuíto para correr uns 7 quilómetros.

A inscrición, limitada a 300 participantes, é de balde, facendo entrega de alimentos non perecedoiros. O Concello de Vigo apoia o evento.

Ás 18:30 horas haberá unha proba para nenos e nenas de 4 a 15 anos, tamén con inscrición gratuíta entregando un alimento non perecedoiro.

(Ver información)

08/12/2016: III Carreira Popular Fundación Celta - Invasión Celeste

Foto noticia

O xoves 8 de decembro (11:00 horas) disputarase a III Carreira Popular Fundación Celta - Invasión Celeste na contorna do estadio municipal de Balaídos.

A proba atlética terá un primeiro evento para os máis cativos (11:00, de 3 a 5 anos) no interior do estadio e despois correrán os infantís (un quilómetro).

Coas badaladas do mediodía a carreira senior discorrirá pola rúa Val Miñor, Citroën, Olímpicos, Fragoso, Val Miñor, Castrelos, Portanet, Citroën, Florida, paseo do Lagares, Olímpicos, Fragoso e Val Miñor. O remate da carreira terá lugar no propio Balaídos.

(Ver información)

03/12/2016: XIX Media Maratón de Vigo

Foto noticia

O domingo 3 as rúas máis céntricas de Vigo volverán vivir a serpe multicor que conforman os corredores da XIX Media Maratón de Vigo.

A organización, A.D. Media Maratón de Vigo, liderada por Javier Álvarez Salgado, previu tamén a fin de fomentar a participación a posibilidade de formar equipos de 2 ó 4 atletas para completar a distancia.

Ás 10:00 horas partirá a carreira de Policarpo Sanz, rematando na Praza de Compostela.

O Concello, por medio da Concellería de Deportes, patrocina este evento do circuíto Run Run Vigo co apoio logístico, humano (Policía Local e Protección Civil), medallas e subvención económica.

(Ver información)

27/11/2016: 38 Memorial Belarmino Alonso

Foto noticia

O mellor cross federado de Galicia cítase o domingo 27 ás 10:30 horas en San Andrés de Comesaña, acarón do campo de fútbol da Xunqueira, para disputar ata dez carreiras (alevín, infantil, cadete, júnior e sénior).

Patrocinado polo Concello de Vigo, o evento é ademais competición oficial do calendario nacional, polo que poden participar atletas estranxeiros.

(Ver información)

20/11/2016: IV Carreira Solidaria pola Esclerose Múltiple

Foto noticia

A cuarta edición da Carreira Solidaria pola Esclerose múltiple celébrase o domingo 20 coa Alameda Suárez Llanos de Bouzas como punto de encontro. A organización, a cargo da asociación Avempo, programou dúas carreiras, unha de 5 quilómetros e outro do dobre de distancia.

O Concello de Vigo colabora activamente con esta proba a todos os niveis. A saída das dúas carreiras terá lugar ás 11:00 horas.

(Ver información)

19/11/2016: Trofeo Cidade de Vigo de conxuntos

Foto noticia

Cento trinta ximnastas competirán no pavillón central das Travesas de 11:00 a 14:30 horas o sábado 19.

Ata 26 conxuntos de toda Galicia, León e Madrid disputarán un torneo de ximnasia rítmica programado para conxuntos baixo a organización do Club Maniotas e o patrocinio do Concello de Vigo.

(Ver información)

13/11/2016: II Cross de Frián

Foto noticia

O domingo 13 ás 11:00 horas dispútase a segunda edición do Cross de Frián, en Teis, baixo a organización da ANPA do CEIP Frián e a Asociación de Xóvenes Atletas, co colaboración da Fundación Celta. A proba pecha o circuíto escolar 2016 de competicións de campo a través que patrocina o Concello de Vigo.

As carreiras, que se desenvolverán polo camiño Gonderán, van desde os 100 aos 1.200 metros e poden participar nenos e nenas nacidos dende 2004 a 2013.

Ás 12:45 horas está prevista unha carreira para nais e pais que promete emocións fortes.

O cross estivo marcado para o 16 de outubro, pero adiouse polo mal tempo.

(Ver información)

06/11/2016: IV Carreira Vigo contra o cancro

Foto noticia

Regresa o domingo 6 de novembro (10:00 horas) esta proba solidaria que recauda fondos para patrocinar cos ingresos un proxecto de investigación contra o cancro, nesta oportunidade unha acción das universidades de Santiago e Burgos.

O percorrido deste evento, que patrocina o Concello de Vigo, é o seguinte: avenida Castelao, rúa Porriño, avenida Florida, Praza de América e avenida Castelao.

Haberá dúas probas ao tempo, unha non competitiva de 5.000 metros e outra de 10.000 (dúas voltas ao circuíto) xa competitiva.

A saída e meta estará emplazada nos volcáns de Castelao. A primeira saída será ás 10:00 horas (a de 5.000 non competitiva). Ás 10:40, a competitiva de 10.000, proba incluída no circuíto de carreiras populares Run Run Vigo.

(Ver información)

30/10/2016: III Trail Montes de Vigo

Foto noticia

O III Trail Montes de Vigo disputarase o 30 de outubro, domingo (9:00 horas), sobre unha distancia de 35 quilómetros e cun desnivel de 2.000 metros.

O periodo de inscrición está aberto na páxina web de Championchip Norte ata o día 26 e o Concello de Vigo é un dos patrocinadores da proba.

Ademais desta distancia, tamén se celebrará unha carreira de minitrail, de 19 quilómetros (9:00), e outra popular, de nove quilómetros (9:30 horas).

A competición desenrolarase nos montes de Coruxo, pero os participantes terán que ir ata Oia, Saiáns e Valadares. É a derradeira proba correspondente á Copa Galega de carreiras por montaña, circuíto da Federación Galega de Montañismo.

O punto de encontro para a saída e a meta estará ubicado preto do campo de fútbol de Fragoselo, do Coruxo FC.

(Ver información)

29/10/2016: Meeting Internacional Cidade de Vigo de Optimist

Preto de 270 regatistas de Galicia, Andalucía, Cantabria, Cataluña, País Vasco e Comunidade Valenciana, ademais de Gran Bretaña, Letonia, México, Bélxica, Italia, Irlanda e Portugal disputan dende o sábado 29 de outubro (12:00 horas) ao luns 31 (11:00) o Meeting Internacional Cidade de Vigo de Optimist, a derradeira proba, e a máis numerosa, de cantas compuxeron a XVII Semana do Atlántico Cidade de Vigo de vela lixeira.

A flota ten marcada a súa saída ás 12:00 horas (sábado 29) e ás 11:00 (tanto o domingo 30 como o luns 31).

A entrega de premios deste evento que organiza o Real Club Náutico de Vigo, o luns 1 ás 17:00 horas no Salón Nobre da sociedade.

(Ver información)

16/10/2016: Campionato de Galicia de conxuntos - ximnasia rítmica

O Maniotas organiza unha nova edición do Campionato de Galicia de conxuntos na disciplina de ximnasia rítmica. O club e a Federación Galega de Ximnasia contan co apoio do Concello de Vigo.

O Pavillón Central das Travesas recibe a vinte e un conxuntos de toda a comunidade autónoma, que competirán nas categorías benxamín, alevín, infantil, junior e senior o domingo 16 dende as 10:30 horas.

(Ver información)

12/10/2016: Trofeo Cidade de Vigo - I Memorial Pablo Beiro

Foto noticia

O baloncesto rende homenaxe o mércores 12 de outubro a Pablo Beiro, dirixente falecido en 2015.

Un partido entre o C.D. Amfiv e o Grupo Norte Valladolid (12:30 horas) no polideportivo municipal boucense será o colofón a unha xornada que comezará coa presentación do segundo equipo do club (Másvisión) e escolas da entidade que preside José Antonio Beiro (11:00) e ao que seguirá ás 11:20 horas un encontro en cadeira de rodas entre o Celta Zorka (básket feminino) e o Seis do Nadal (básket masculino).

O Concello patrocina este evento que terá entrada gratuíta.

(Ver información)

09/10/2016: XXI Cross Escolar El Castro San Miguel

Foto noticia

O domingo 9 de outubro ás 10:00 horas terá lugar no parque de Castrelos a vixésima primeira edición do Cross Escolar Castro San Miguel.

A proba atlética para deportistas federados ou non, en idade escolar, está apoiada polo Concello de Vigo a través do edil de Deportes, Manel Fernández.

As probas comezan cos cadetes (nacidos en 2001 e 2002, 3.000 metros) ás 10:00 horas e seguirán co resto das idades (infantil, 2003-2004), alevín (2005 e 2006), benxamín (2007 e 2008), prebenxamín (2009-2010) e "olímpicos" (2011 a 2013)

(Ver información)

08/10/2016: Supercopa de España cadete de judo - XXI G.P. Cidade de Vigo

Foto noticia

A Supercopa de España cadete de judo retorna ao Multiusos de Navia un ano máis dentro do Gran Premio Cidade de Vigo, que acada a súa vixésima primeira edición. Será a sexta oportunidade consecutiva cando se cumpre o vixésimo aniversario da primeira edición (1996).

Dende as 9:30 horas do sábado 8 de outubro, seis tatamis observarán a progresión dos judokas de todo o territorio nacional (dezaséis comunidades autónomas) e de seleccións estranxeiras (Alemaña, Italia, Portugal e Suecia).

O Concello, a través da Concellería de Deportes, envórcase con esta actividade punteira dentro do deporte de formación da cidade co apoio económico, loxístico e de instalacións.

As finais comezarán ás 16:00 horas e a cerimonia de clausura e entrega de medallas iniciarase ás 17:00 horas.

(Ver información)

24/09/2016: I Memorial Paco Araújo

Foto noticia

O Celta Zorka (Liga Feminina 2) e o Perfumerías Avenida (Liga Feminina), campión nacional, xogan ás 20:00 horas do sábado 24 no Multiusos de Navia.

No I Memorial Paco Araújo de baloncesto, apoiado polo Concello, haberá un torneo de minibasket dende pola mañá, un faladoiro coloquio lembrando a figura de quen foi presidente do C.D. Bosco de 2001 a 2016 e o propio amigable.

(Ver información)

17/09/2016: Copa Galicia de baloncesto feminino

Foto noticia

A final da Copa Galicia de baloncesto feminino, entre o Universitario de Ferrol (Liga Feminina) e o Cortegada Vilagarcía (Liga Feminina 2), dispútase o sábado 17 no multiusos de Navia (19:30).

É a quinta oportunidade que Vigo recibe a final, xogada nas Travesas en 1997, no Berbés en 2001 e 2002 e en Bouzas en 2009, sempre con presenza e vitoria do Club Deportivo Bosco, agora Celta Zorka. Non será deste xeito agora.

Será esta a final número 25 da Copa Galicia feminina, cuxa primeira edición xogouse en Caldas de Reis en 1987, sendo conquistada polo Círculo Mercantil de Vigo diante do Pío XII de Santiago. Durante catro edicións, ata 1990, a Copa Galicia feminina era exclusiva dos equipos de Segunda División de baloncesto. Despois deixou de xogarse e retomouse en 1996, cando entraron na competición equipos da máxima categoría xuntos aos da Liga Feminina 2. Así, agora cúmprense vinte anos seguidos do torneo.

Antes do encontro, ás 17:00 horas, dúas seleccións galegas veteranas, do norte e do sur, lembrarán vellos tempos e a primeira final do torneo, en Caldas en xuño de 1987.

A FGB retransmitirá a final e o encontro previo de Veteranas Galicia Norte - Galicia Sur a través da súa canle oficial de YouTube: FGBRetransmisións.

(Ver información)

09/09/2016: V Trofeo Cidade de Vigo de squash

Foto noticia

O venres 9 e o sábado 10 dispútase na polideportiva de Balaídos (entrada pola porta 18) o Trofeo Cidade de Vigo individual de squash.

O Vigo Squash organiza a quinta edición dun evento que apoia o Concello de Vigo.

Nas pistas de squash Balaídos, dende as 17:30 horas do venres e a partires das 10:00 horas o sábado, reuniranse varias das mellores raquetas de Galicia, Comunidade Valenciana, Baleares ou Cantabria, ademais de Portugal, en disputa dun dos torneos máis valorados do país.

O club pon en xogo 2.500 euros en premios en metálico. As finais, o sábado ás 19:00 horas.

(Ver información)

04/09/2016: I Travesía a nado Vigo Rías Baixas

Foto noticia

A lámina de auga da ETEA servirá para abrir a antiga base naval á natación. A primeira edición da Travesía a nado Vigo Rías Baixas disputarase o 4 de setembro, domingo, na praia de Ríos, e é aberta a federados e non federados.

A organización deseñou catro percorridos, tantos como número de categorías mixtas haberá en xogo, que recibirán premios para os tres primeiros clasificados.

A menor das distancias será de 100 metros, destinada a nadadores de 5 a 9 anos. Pero tamén haberá de 500 metros (nadadores ata 13 anos). 750 (a partires dos 10 anos) e 2.600 metros (de 13 anos en adiante).

A primeira das probas será a de 750 metros (10:30), seguida pola de longa distancia (11:30), a de 500 (11:35) e a proba de cativos preto da beira da praia (13:00).

(Ver información)

01/09/2016: I Memorial Quino Salvo

Foto noticia

Obradoiro de Santiago e Joventut de Badalona, equipos da Liga ACB de baloncesto, honrarán a memoria do mellor xogador da historia do baloncesto vigués, Joaquín "Quino" Salvo, falecido este ano en Vigo.

O encontro amistoso patrocinado polo Concello está previsto ás 20:45 horas no pavillón central das Travesas.

(Ver información)

30/08/2016: Faladoiro coloquio "Quino Salvo e o baloncesto futuro"

Foto noticia

A Concellería de Deportes organiza un faladoiro coloquio sobre baloncesto masculino o martes 30 de agosto, dentro do programa de actos do Memorial Quino Salvo.

Ás 20:45 horas, na Casa da Cultura Galega (entrada pola Praza da Princesa), o concelleiro de Deportes, Manel Fernández, presentará a Pepe Casal, preparador físico de Pau Gasol (e de España nos Xogos de Pequín 2008), a Alberto Abalde, que fora xogador vigués de ACB (Obradoiro e OAR Ferrol), e a representantes do baloncesto vigués de Liga EBA, VGO Basket e Seis do Nadal Coia.

O Concello quixo lembrar e honrar a figura de Salvo, o mellor xogador vigués, e dar a coñecer os novos proxectos do baloncesto masculino local aproveitando o memorial.

Baixo o título "De Quino Salvo ao baloncesto futuro", o faladoiro coloquio, que tamén contará co presidente da Asociación Quino Salvo, Julio Bernárdez, comezará ás 20:45 no salón de actos do antigo Concello (segundo andar da Casa Galega da Cultura) con entrada libre ata cubrir o aforo de 50 persoas.

(Ver información)

27/08/2016: 43 Gran Premio Cidade de Vigo

Foto noticia

O Club Ciclista Vigués organiza como cada verán o Gran Premio Cidade de Vigo de ciclismo afeccionado, agora a 43 edición.

En dúas xornadas, sábado 27 (17:00 horas) e domingo 28 (9:30 horas), a entidade viguesa converterá o centro urbano nun gran velódromo, grazas ao apoio do goberno municipal.

A rúa Areal verá á serpe multicor o sábado para elite, sub 23, juniors e escolas, mentres que a Porta do Sol será o eixo da xornada matinal do domingo, tamén para elite e sub 23, ademais de cadetes e féminas.

O circuíto do sábado está ubicado en Areal por vez primeira, moi preto do antigo Reitorado.

O do domingo a xornada constará de dúas probas: saída na Porta do Sol para seguir por Príncipe, López de Neira, Progreso, Paseo de Granada, Marqués de Alcedo, Manuel Olivié e O Castro, de 3,5 quilómetros (9:30 horas), e escalada dende o cruce de Camelias con Venezuela ata O Castro, dando quince voltas (12:00) os elite e sub 23 e 5 as categorías cadete e feminina, que saíran en primer lugar.

(Ver información)

27/08/2016: 24 horas de Vigo

Foto noticia

Ás 12:00 horas do sábado 27 dispútanse por terceiro ano consecutivo as 24 horas de Vigo, con éxito de inscricións e competición dobre: individual e relevos por equipos.

O Concello de Vigo apoia esta proba, na que Castrelos estará durante un día completo, tomado polos atletas.

(Ver información)

27/08/2016: VII Travesía a nado das Illas Cíes

O sábado 27 de agosto dispútase a sétima edición da Travesía a nado das Illas Cíes, dentro do programa Desafío Pastor Cíes.

A proba, non competitiva, está deseñada para unha participación máxima de 150 nadadores que sairán de Cíes para chegar á praia do Vao.

Do areal de Rodas partirán en catro grupos ás 10:00, 10:20, 10:40 e 11:00 horas. Para maiores de 18 anos, as categorías son absoluta e máster, masculina e feminina.

(Ver información)

20/08/2016: LXXVI Concurso Internacional de Tenis Futures

Dende o 13 ata o 20 de agosto dispútase o Futures de tenis, puntuable para a ATP e con 10.000 dólares en premios, nas pistas do Club de Campo de Vigo.

O Concurso Internacional de Tenis, nacido en 1940, xoga a súa final individual ás 19:30 horas nas pistas da sociedade no Vao. O vencedor inscribe o seu nome no palmarés da Copa Bedriñana.

(Ver información)

20/08/2016: XXI Trofeo Festas de Vigo de ciclismo

O Club Ciclista Meixoeiro organiza o sábado 20 a vixésima primeira edición do Trofeo Festas de Vigo, destinado a categorías tanto masculinas como femininas de infantís (13 e 14 anos), alevíns (11 e 12), benxamíns (9 e 10) e promesa (ata 8 anos).

Ás 17:30 horas comezarán as competicións no circuíto deseñado no recinto ferial do Ifevi. O Concello, a través da Concellería de Deportes, patrocina a proba.

(Ver información)

19/08/2016: VI Torneo 3x3 Seis do Nadal

Foto noticia

O venres 19 e o sábado 20 o Club Baloncesto Seis do Nadal - Coia organizará o VI Torneo de Baloncesto 3x3 nas pistas do colexio Seis do Nadal.

A grande novidade desta edición é que o torneo será puntuable para o I Circuito Galego 3x3 e para o FIBA Planet 3x3.

O Torneo 3x3 estará dividido en tres categorías: minibásquet, infantil-cadete e júnior-sénior. A categoría minibásquet e a categoría infantil-cadete xogarán sendos torneos 3x3 paralelos o venres en xornada de tarde. O 3x3 de categoría júnior-sénior será o sábado ao longo de todo o día.

(Ver información)

17/08/2016: 75 Campionato Cidade de Vigo de tenis

Foto noticia

Do 17 ao 28 de agosto entra en xogo o Campionato de Vigo de tenis que organiza a Federación Galega de Tenis por medio da Escola de Tenis de Samil. O peche de inscricións está previsto para o 12 de agosto.

Lolo Santomé e Diana Martínez defenden título nun campionato de Vigo adicado aos tenistas de todas as idades de Vigo e da comarca.

O torneo ten 1.500 euros en premios e nesta oportunidade, para homenaxear a tradición do campionato, os xogadores deberán vestir de branco.

A competición está patrocinada polo Concello de Vigo grazas á Concellería de Deportes.

(Ver información)

12/08/2016: 53ª Regata Ribeiro - Rías de Galicia

Foto noticia

A proba máis importante de Galicia para vela pesada, organizada polo Real Club Náutico de Vigo, parte da ría con destino ás de Pontevedra e Arousa.

A flota máis numerosa de cruceros, monotipos J80 e catamaráns (F18), cuns 80 barcos, sairá o venres 12 con destino a Sanxenxo; a segunda etapa, o sábado 13, será Sanxenxo-A Pobra e o domingo 14 os veleros realizarán o percorrido A Pobra-Combarro. A etapa final, Combarro-Vigo o luns 15.

(Ver información)

12/08/2016: O Marisquiño 2016

Foto noticia

O Marisquiño é o festival de cultura urbana e deportes de acción máis importante de Europa, con competicións, exhibicións, concertos e gastronomía.

O festival celébrase en terreos do porto de Vigo ao aire libre e con acceso de balde. Conta con tres Copas do Mundo, dous en Skate e unha en Dirt Jump (FMB Silver Event) ademais doutras modalidades como BMX, MTB Downtown, B-Boying, FMX e moitas máis.

A nivel cultural a organización tamén monta concertos gratuítos ao aire libre e sesións de DJs durante toda a noite que completan a programación.

O recinto diurno sitúase no porto de Vigo, en áreas como o Náutico, Peirao Trasatlánticos, Paseo das Avenidas e Espigón. O escenario nocturno se desenrola na Praza do Rei no centro da cidade.

(Ver información)

06/08/2016: II Vigo Battle of teams de crossfit

Foto noticia

Equipos de categoría Elite e de categoría Pro, formados por cinco participantes, sendo obriga que sexan dos dous sexos, competirán na praia e o complexo deportivo de Samil en probas de natación, halterofilia, remo, carreira, ximnasia...

A Concellería de Deportes apoia esta actividade física e competitiva mediante convenio de cesión de instalacións.

(Ver información)

31/07/2016: XXIV Bandeira Concello de Vigo de traiñeiras

Foto noticia

A XXIV Bandeira Concello de Vigo de traiñeiras dispútase o domingo 31 no campo de regatas situado á altura da ponte de Toralla a partires do mediodía (12:00).

Serán tres tandas (dúas de catro traiñeiras cada unha e unha de tres) e a proba corresponde á novena xornada da Liga Galega A.

A competición pon en xogo 9.000 euros en premios e a bandeira á tripulación vencedora.

O Concello patrocina íntegramente o evento como é tradicional. É unha das regatas históricas do calendario galego.

(Ver información)

31/07/2016: XVI Travesía a Nado da Ría de Vigo

Foto noticia

O domingo 31 ás 10:30 horas celébrase a decimosexta edición da Travesía a nado de Ría de Vigo, entre a praia do Con, en Moaña, e a Dársena Central do Real Club Náutico de Vigo. A proba foi suspendida o ano pasado polas ondas na ría, que recomendaban non saír a nadar.

Cun tope de 300 inscritos, o evento que organiza o Náutico ten o patrocinio do Concello de Vigo grazas á Concellería de Deportes. O evento é o máis antigo das travesías na ría pois o primeiro celebrouse en 1945.

O ano pasado a Concellería de Deportes pagou as bolsas para os deportistas e nesta edición aporta a camiseta técnica.

A celebración do evento depende de Capitanía Marítima, a entidade reguladora dos tráficos da ría.

Ás 10:30 é a competición puntuable para a Copa de España de augas abertas. Ás 11:00, a do resto de nadadores, federados ou non.

(Ver información)

31/07/2016: IV Trofeo Cíes Naffta Concello de Vigo de pádel

O club Feminino Cíes de pádel organiza do 31 de xullo ao 7 de agosto un torneo federado exclusivo para mulleres.

As pistas de Pádel Urban, no camiño do Caramuxo (San Andrés de Comesaña), reciben unha competición de calidade que se clausurará coas finais, previstas para as 19:00 horas.

O formato de competición é cadro por eliminatoria directa e consolación para os perdedores do seu primeiro enfrontamento.

(Ver información)

30/07/2016: XXXVIII Travesía a Nado da Ría - Trofeo El Corte Inglés

Foto noticia

O sábado 30 de xullo levarase a cabo na praia do Vao a XXXVIII Travesía a nado El Corte Inglés - III Trofeo de Augas Abertas, cunha proba popular ás 11:00 horas (unha milla náutica) e, ao tempo, outra de 3.000 metros para federados.

O evento, que comezou entre A Guía e a dársena do porto deportivo do Real Club Náutico nos anos 80, trasladouse hai anos ao Vao con espectacular saída á carreira dende a praia.

(Ver información)

23/07/2016: II Torneo Marítimo de waterpolo

Foto noticia

O Real Club Náutico de Vigo organiza a segunda edición do Torneo Marítimo de waterpolo, segundo e derradeiro campionato da Semana do Waterpolo, unha ideada nada en 2014.

Equipos sénior e máster do Náutico, do histórico Atlétic Barceloneta, do CW Valladolid e dos galegos CW Redondela e CW Ourense xogarán polo título nun sistema de fase clasificatoria (dous grupos que xogan unha liguilla a unha soa volta) e cruces.

(Ver información)

17/07/2016: XI Carreira Feminina - Trofeo El Corte Inglés

Foto noticia

O domingo 17 celébrase a undécima edición da Carreira Feminina de Vigo, Trofeo El Corte Inglés, que sairá de Gran Vía, á altura dos grandes almacéns (11:00 horas), e rematará no Náutico.

O Concello de Vigo apoia a proba do mesmo xeito que o Náutico de Vigo, que cede os vestiarios da súa piscina para uso das atletas.

A carreira consta duns 4 quilómetros, é a única en Galicia só para mulleres e non é competitiva.

(Ver información)

16/07/2016: Copa 90 aniversario

Foto noticia

Real Club Celta (1ª División) e Club Deportivo Lugo (2ª División) disputan a Copa 90 aniversario que pon en xogo o Gran Peña polas súas nove décadas de vida.

No campo municipal de Barreiro o sábado 16 ás 20:00 horas co apoio do Concello.

(Ver información)

16/07/2016: 28 Gran Premio Ciclista Meixoeiro

No barrio do Meixoeiro, o Club Ciclista Meixoeiro organiza como cada verán o seu Gran Premio, un evento para escolas (infantil, alevín, benxamín e promesa, tanto de categoría masculina como de feminina) con circuíto na avenida de Madrid vella que tocará tamén Tixolo, Meixoeiro e Fontiñas.

A categoría alevín deberá de dar cinco voltas ao circuíto dun quilómetro, mentres que a infantil dará doce xiros. Esta proba dispútase dende 1989.

(Ver información)

15/07/2016: Campionato de España de Descenso (DHi)

Foto noticia

O mountain bike, na súa modalidade de descenso, toma Fragoselo (Coruxo) dende o venres 15 ao domingo 17 de xullo coa disputa do Campionato de España de descenso (downhill, DHi), coa Federación Galega de Ciclismo e Singletrack Outdoor Sports inmersos na organización con varios clubs locais.

O venres está previsto de 16:00 a 19:00 horas a confirmación de inscricións e a retirada de acreditacións, podendo os pilotos revisar o circuíto a pé.

Ás 19:00 horas terá lugar a reunión de análise da tempada 2016 e a presentación de propostas de 2017 no local social da Comunidade de Montes de Coruxo.

O sábado manterase un horario para confirmar inscricións (9:00 a 14:00 horas) e a partires das 10:00 e ata as 18:00 horas haberá adestramentos oficiais.

Ás 18:00 horas presentaranse os equipos e seleccións e ás 19:00 celebrarase a reunión técnica do campionato.

O domingo, adestramentos oficiais (8:00 a 9:00 horas) e a competición, con saída da primeira manga ás 9:30 e da segunda, ás 12:00. O circuíto, duns mil cincocentos metros, partirá do Alto do Mauxo e baixará ata o torreiro de San Sebastián.

(Ver información)

15/07/2016: IX Memorial Genaro Borrás

Foto noticia

O tenis de todas as categorías (dende a benxamín ata as de veteranos) cítase no Club de Campo de Vigo,

O Trofeo El Corte Inglés de tenis desenvolverase nas pistas da sociedade do Vao do 15 ao 23 de xullo.

(Ver información)

14/07/2016: X Xirakarting

Para introducirse no mundo do automobilismo, na Praza do Rei se emplazará do xoves 14 ao domingo 17 (de 12:00 a 14:00 e de 17:00 a 22:00 horas) un circuíto de karts que conta co patrocinio do Concello de Vigo.

O domingo pola mañá disputarase a terceira proba da Rookies Cup para nenos e nenas de 4 a 7 anos.

(Ver información)

04/07/2016: Vigo Cup 2016 - XVI Torneo Internacional de Fútbol Base

Foto noticia

Un verán máis o Concello de Vigo, por medio da Concellería de Deportes, ofrece ao deporte de formación a posibilidade de competir.

Os mellores campos da cidade póñense ao servizo de máis de 3.500 participantes de Galicia, outras comunidades autónomas e Portugal para unha competición de fútbol 8 que se desenvolve de luns a domingo, do 4 ao 10 de xullo.

(Ver información)

03/07/2016: XXV Gran Premio Ciclista de Teis

Foto noticia

O Club Ciclista Teis organiza o domingo 3 de xullo ás 10:00 horas o XXV Gran Premio de Teis de ciclismo.

O Concello apoia a proba e o edil de Deportes, Manel Fernández, acudirá á saída.

(Ver información)

02/07/2016: IV Nocturna Correndo por Vigo

Foto noticia

Deportes Carlos Miguel.com organiza a cuarta edición da Nocturna Correndo por Vigo o sábado 2 ás 22:00 horas.

O barrio das Travesas, con saída dende A Florida, á altura do mercado, e Coia conforman o epicentro da proba, cun circuíto de 5 quilómetros e dúas carreiras nunha: de 5.000 e 10.000 metros.

O Concello de Vigo patrocina a proba, que toca un triángulo formado polas avenidas de Castelao e Florida coa rúa Porriño.

(Ver información)

02/07/2016: II Gala Multicolor de patinaxe artística

Foto noticia

O Central das Travesas recibe a segunda edición da Gala Multicor de patinaxe artística o sábado 2 ás 16:30 horas.

Baixo a organización do Club Patín Vagalume, os fondos acadados irán destinados a Unicef. O club tamén previu unha fila 0 (2100 5980 63 0200035151).

(Ver información)

23/06/2016: XXXIII Nocturna de San Xoán

Foto noticia

O xoves 23 dispútase a 33 edición da Carreira Nocturna de San Xoán, unha proba nada no século pasado pola Agrupación Viguesa de Atletismo.

Trátase dunha carreira de 7,7 quilómetros, con saída no Concello de Vigo e chegada no Berbés.

A carreira está dentro do circuíto Run Run Vigo, que patrocina o Concello de Vigo a través da Concejalía de Deportes, e conta co apoio de Cruz Vermella, Autoescuelas Faro, Zunfer, Coca-Cola, Alcampo, Frutas Sol, Porto de Vigo, Balneario de Mondariz, Asociación do Casco Vello e a Cofradia de Pescadores.

Todos os corredores participarán no sorteo de diferentes sorpresa. Haberá avituallamiento para os participantes ao finalizar a carreira asi como unha sardiñada para os corredores.

A inscrición realízase a través de Championchipnorte.com ata o 21 de xuño, e terá un custe de 7€.

A entrega de dorsais efectuarase o día 23, de 19:00 a 20:15 na lonxa do Concello.

(Ver información)

19/06/2016: Carreira Ponlle freo Vigo 2016

O domingo 19, ás 10:00 horas dende Concepción Arenal econ Colón sae a carreira "Ponle freno" de 5 e 10 quilómetros.

A inscrición está aberta na web ponlefreno.com ata trinta minutos antes do evento. O Concello patrocina este evento cuxa recadación íntegra irá á asociación Alento, que traballa con persoas con dano cerebral adquirido.

A carreira, nacida en 2009, estendeuse dende Madrid ao resto do país hai un ano (Vitoria e Tenerife) e agora é a quenda de Vigo.

Saída e meta estarán situadas na confluencia de Areal, Alameda e Colón, e o circuíto pasará por Policarpo Sanz, Porta do Sol, Elduayen, Paseo de Alfonso XII e Falperra para voltar polas mesmas rúas ata chegar a Pi y Margall e García Barbón e retornar dende a rotonda de Sanjurjo Badía (sen ocupala) por García Barbón, Isaac Peral, Areal, Pontevedra, Rosalía de Castro e Colón e rematar no punto de saída.

O sábado 18 poderanse recoller os dorsais no Centro Comercial Camelias (11:00-20:00 horas).

(Ver información)

18/06/2016: Copa de España de freestyle

O Club Freestyle Slalom Vigo organiza durante a fin de semana do 18 e 19 de xuño a Copa de España de battle, classic, jam, derrapes, saltos e speed.

No Multiusos de Navia, con tres modalidades o sábado dende as 9:00 horas (battle pola mañá, jam e classic pola tarde), o domingo tamén haberá outras tres no mesmo horario (salto e derrapes en xornada matinal, speed slalom na vespertina). A entrega de trofeos, sobre as 18:30.

A entrada é gratuita e conta co patrocinio do Concello de Vigo.

(Ver información)

17/06/2016: II Torneo Cidade de Vigo de kendo

Foto noticia

O pavillón de Candeán recibe o sábado 18 a segunda edición do Cidade de Vigo de kendo. A organización, compartida polo club local e a Federación Galega de Judo e Deportes Asociados, programou un seminario desta disciplina ademais do torneo por segundo ano consecutivo.

O curso de kendo celébrase o venres 17 (19:00 horas), o sábado 18 (10:00) e o domingo 19 (10:00) a razón de tres horas por xornada.

O curso está dirixido polo italiano Lorenzo Zago, 7º Dan de kendo. Ademais impartirán clase Agustín Miguel Minguela, 6º Dan, e Ernesto Kimura, 5º Dan.

A competición, en modalidade open, está dividida en proba individual e proba por equipos.

O kendo é unha disciplina considerada herdeira directa de varias das escolas de esgrima xaponesa clásica. O nome significa "camiño do sabre”, é dicir, a katana xaponesa.

(Ver información)

17/06/2016: Cidade de Vigo de balonmán praia

Na tradicional instalación temporal de Vigoarena, que cumpre unha década situada á beira do complexo deportivo de Samil, chega dende o venres 17 ata o domingo 19 a quenda para o balonmán praia co Cidade de Vigo.

Esta modalidade é a máis importante das competicións programadas no areal urbán vigués pois se esperan 60 equipos e 600 xogadores.

O evento conta co patrocinio do Concello de Vigo.

(Ver información)

12/06/2016: Xornada final da Liga Concello de Vigo de natación escolar

Foto noticia

Preto de corenta centros de ensino pelexarán polo triunfo o domingo 12, dende as 9:30 horas, na cuarta xornada, e derradeira, da Liga Concello de Vigo de natación escolar que se celebra na piscina municipal do Carme.

Ata 460 nadadores competirán nesta nova xornada da terceira edición do evento organizado polo C.N. Vigo Rías Baixas.

(Ver información)

11/06/2016: Copa Vigo 2016 - Final masculina

Foto noticia

O campo do Vao recibe o sábado 11 a final da Copa Vigo 2016 de fútbol afeccionado ás 20:00 horas entre o Gran Peña CF (1ª Autonómica) e o C.D. La Guía (2ª Autonómica).

A final, inédita na historia do torneo, que data de 1933, terá entrada gratuíta grazas ao patrocinio do Concello de Vigo, que cobre os gastos de organización e ademais dende 2013 instaurou un premio en metáĺico para o equipo campión (1.000 euros) e para o finalista (500).

O alcalde da cidade, Abel Caballero, e o concelleiro de Deportes, Manel Fernández, teñen previsto acudir ao evento, a competición futbolística decana da comunidade autónoma.

(Ver información)

11/06/2016: Clausura da Liga Concello de Vigo de fútbol sala

A Aspofusa, entidade organizadora da Liga Concello de Vigo de fútbol sala, clausura a tempada 2015/2016 no Multiusos de Navia o sábado 11.

Ás 17:30 horas está prevista a final prebenxamín e sesenta minutos despois a de minis. A entrega de medallas, que contará coa asistencia do alcalde de Vigo, Abel Caballero, e do edil de Deportes, Manel Fernández, está prevista para as 19:00 horas.

Esta competición, que patrocina íntegramente o Concello coa cesión de instalacións e a entrega de medallas para todos os participantes, move a uns 800 nenos.

(Ver información)

11/06/2016: Campionato de Galicia individual e de clubs de de ximnasia

O pavillón central das Travesas recibe o sábado 11 (10:00 horas) unha competición de ximnasia organizada pola Federación Galega de Ximnasia e co patrocinio do Concello de Vigo.

O torneo oficial é para os seguintes aparatos: trampolín, doble minitramp, tumbling y minitramp.

Os clubs de toda a comunidade autónoma disputarán o campionato no Central tanto en categoría individual como de clubs de base e de elite.

O horario será o seguinte: sábado 11 a partires das 10:00 horas pola mañá e das 15:30 polo serán; o domingo 12, dende as 10:30.

(Ver información)

04/06/2016: III Día dos Deportes de Combate

O sábado 4, de 17:30 a 19:00 horas, o programa municipal de escolas deportivas 2015/2016 conclúe no complexo das Travesas coa exhibición de taekwondo, judo, loita e kárate.

Uns 150 nenos e nenas destas catro modalidades ofrecerán ao público o que aprenderon este curso deportivo e recibirán a continuación o seu correspondente diploma no Central das Travesas.

Con esta xornada rematan vinte e dous días de actos de clausura das diferentes escolas deportivas que impulsa o Concello cos clubs da cidade e outras entidades.

(Ver información)

04/06/2016: Clausura da escola de fútbol 7 e fútbol 8 do programa municipal 15/16

Foto noticia

Seiscentos nenos e nenas do programa municipal de escolas deportivas compiten este sábado 4 no complexo de Samil como peche da tempada (de 10:00 a 14:00).

A clausura no Armando Cajaraville das escolas de fútbol 7 e fútbol 8 é a terceira máis importante en número de deportistas de cantas fixéronse nestas semanas.

O alcalde da cidade, Abel Caballero, e o concelleiro de Deportes, Manel Fernández, asistirán á entrega de medallas ás 13:00 horas.

(Ver información)

29/05/2016: Carreira pola Integración

Foto noticia

A primeira edición da carreira pola integración ENKI está en marcha. É unha proba de obstáculos prevista para o domingo 29 (11:00 horas) na zona portuaria da contorna do Real Club Náutico de Vigo. ENKI é un proxecto social para a integración e visualización de colectivos e persoas con diversidad funcional.

A carreira, lúdica de obstáculos, está aberta a todos os públicos, idades, con ou sen diversidade funcional. Serán 2,5 quilómetros de obstáculos (montaña de neumáticos, piscina de espuma, percorrido a cegas...), probas, xogos de colaboración e sobre todo moita diversión. O ganador non será o máis rápido, senón o equipo máis divertido, mellor disfrazado ou o máis numeroso. Será unha festa a favor da inclusión.

O 100% dos fondos recadados destínase a prol dos colectivos que loitan por e para a defensa das persoas con discapacidade e a súa integración a través da práctica de actividades deportivas.

Todos os participantes recibirán unha bolsa que inclúe bolsa mochila Obra Social La Caixa, lentes de sol Fundación María José Jove, braga de pescozo, vale canjeable por aperitivo salado e bebida para o día da carreira e agasallos promocionais cedidos polos colaboradores

Os corredores deberán levar na carreira tanto as lentes como as bragas de pescozo polar pola súa utilidade para completar o percorrido.

(Ver información)

22/05/2016: Presentación do Club Ciclista Teis 2016

O Club Ciclista Teis presenta todos os seus equipos o domingo 22 ao mediodía na ermida da Guía, lugar elixido tradicionalmente para este acto.

O concelleiro de Deportes, Manel Fernández, acode á presentación para amosar o seu agarimo e apoio cara a unha entidade nada na década de 1990.

(Ver información)

22/05/2016: V Carreira da Cereixa

Foto noticia

Cuarta entrega do circuíto municipal Run Run Vigo de carreiras populares, que se celebrará o domingo 22 ás 10:30 horas en Beade e que está patrocinada polo Concello de Vigo.

A entrega do dorsal, chip e agasallos para sta V Carreira da Cereixa farase o sábado 21 de 17:30 a 21:00 horas nas instalacións da Asociación de Veciños de Beade e o mesmo día da carreira de 9:00 a 10:00 horas.

A organización desta proba porá a disposición dos/as atletas un servizo de duchas no colexio Coutada – Beade, e aparcamiento en devandito centro ata as 9:45. A partires desa hora aparcarase nos arredores da igrexa.

A proba é duns 10.000 metros, dando dúas voltas a un circuíto de cinco quilómetros. Ademais da carreira absoluta está prevista unha de nenos nados entre 2001 e 2006.

(Ver información)

21/05/2016: Clausura programa municipal de escolas deportivas

O sábado 21 clausúrase o curso deportivo para o programa municipal de escolas de bádminton, ciclismo e natación sincronizada.

A escola de ciclismo desenvolverase de 11:00 a 13:00 horas na pista das Travesas; tamén no mesmo complexo péchase a tempada para a escola de bádminton (Pista Vermella, 10:00 a 13:00 horas).

Polo serán, de 17:00 a 19:00 horas, terá lugar o fin de curso da natación sincronizada.

(Ver información)

17/05/2016: Regata Coruxo de traineriñas

Foto noticia

O Club de Remo Coruxo, co patrocinio da Concellería de Deportes, organiza a Regata Coruxo de traineriñas o martes 17 ás 11:30 horas dende a ponte de Toralla.

É unha proba máis do calendario galego 2016 para todas as categorías.

(Ver información)

17/05/2016: IX Día do Balonmán na rúa

Foto noticia

Os nenos e nenas de 8 a 14 anos tomarán o Día das Letras Galegas (martes 17, de 10:00 a 17:30 horas) a rúa Areal, o segmento entre a rúa Oporto e Serafín Avendaño, para disputar o programa "Balonmán na rúa", co que a federación autonómica deste deporte promociona a modalidade e pecha o curso de escolas da Deputación de Pontevedra que achéganse a 31 concellos.

Nesta oportunidade o Concello de Vigo patrocina o evento, que atraerá á cidade a 1.900 participantes entre deportistas (1.500), adestradores, árbitros e membros da organización.

Ata once campos de balonmán converterán Areal nunha festa do balonmán de base. Haberá uns 300 partidos e un total de 142 equipos das categorías prebenxamín, benxamín, alevín mixto e infantil masculino e feminino.

A categoría con máis participación é a alevín mixta (51 equipos), seguida pola benxamín mixta (48). Ao rematar a competición (18:00 horas, aproximadamente) procederase á entrega dunha medalla conmemorativa a todas e todos os xogadores participantes.

(Ver información)

17/05/2016: XIX Día do Patín

Foto noticia

A decimonovena edición do Día do Patín, exhibición de clubs e centros escolares de Vigo, pero tamén da súa área de influencia, clausura o programa municipal de escolas deportivas.

O evento levará ao Central das Travesas a mil novecentos patinadores e patinadoras durante toda a xornada do Día das Letras Galegas (de 9:00 a 14:00 e de 16:00 a 20:30).

A meirande festa de cantas escolas coordina a Concellería de Deportes encherá o principal polideportivo da cidade, poñendo punto final á tempada escolar de patinaxe artística.

(Ver información)

15/05/2016: Holi Run 2016

Foto noticia

A Holi Run volve por terceiro ano consecutivo o domingo 15 ás 11:00 horas na contorna da praia de Samil.

A proba, que se pode facer correndo ou andando, ten o único obstáculo de que os seus participantes rematan os 5.000 metros de circuíto pintados de mil cores, pois ao longo do percorrido espéranlles 8.000 quilos de po de cores.

A Concellería de Deportes apoia este evento e o Concello facilita a loxística para o seu perfecto desenvolvemento.

O punto de saída e chegada será a Avenida de Samil, 30 (Párking Cruz Vermella).

Os kits (camiseta, dorsal e bolsa de pos) entregaranse no Complexo Deportivo de Samil (días 13 y 14 de maio de 11:00 a 19:00 horas).

(Ver información)

14/05/2016: III Regata Aceites Abril de Optimist

A Regata Aceites Abril celebrarase en augas da Ría de Vigo os días 14 e 15, sábado e domingo, sendo organizada polo Real Club Náutico de Vigo e puntuable para o ránking galego de Optimist, clasificatorio para o equipo galego de Optimist, dacordo co calendario da Federación Galega de Vela e Secretaría Autonómica da clase Optimist.

O trofeo, que reunirá a 150 barcos de todos os clubs náuticos de Galicia, ten previsto un máximo de seis probas, sendo puntuable con só disputar unha soa das regatas.

A flota comezará as regatas do sábado ás 14:00 horas e ás 11:00 o domingo, con previsión da entrega de premios ese día ás 17:30 horas.

(Ver información)

14/05/2016: XIX Día da Ximnasia Rítmica

Foto noticia

Oitocentos sesenta e cuatro deportistas do programa municipal das escolas deportivas exhibirán as súas habilidades o sábado 14 a partires das 9:30 horas no pavillón central das Travesas.

Durante catro horas, a ximnasia rítmica copará o parquet do Central cos seus mellores números e coreografías.

O Día da Rítmica é o segundo evento en orde de participación e importancia dos actos de clausura das escolas deportivas.

(Ver información)

08/05/2016: 10K Praia de Samil

A avenida de Samil recibe o domingo 8 (10:30 horas) a un milleiro de atletas dispostos a correr un circuíto homologado de 10.000 metros, baixo a organización da A.D. Media Maratón de Vigo.

A proba, quinta edición da carreira, conta co apoio do Concello de Vigo.

(Ver información)

08/05/2016: X Trofeo AVA - Memorial Eugenio Torres

A Agrupación Viguesa de Atletismo (AVA) organiza o seu trofeo para categorías de formación (benxamín, alevín, infantil e cadete) ademais do 5.000 metros marcha para cadete, xuvenil, júnior, promesa e veterano.

Co patrocinio da Concellería de Deportes, o AVA organiza a décima edición do seu campionato nas pistas de atletismo de Balaídos.

(Ver información)

07/05/2016: III Trofeo BTT Entidade Local Menor de Bembrive

Foto noticia

O sábado 7 (16:30 horas) o Club Ciclista Vigués Autronic organiza a terceira edición do BTT Trofeo Entidade Local Menor de Bembrive.

O programa, que se desenvolverá na área recreativa de O Pouso, nos montes de Bembrive, contempla ata seis categorías (prebenxamín, promesa, principiante, alevín, infantil e cadete) e a de promoción para os valores de Bembrive.

(Ver información)

06/05/2016: Curso de monitor de balonmán Nivel I

Foto noticia

O vindeiro 6 de maio ponse en marcha o curso de adestrador de balonmán nivel I, organizado pola Federación Galega de Balonmán e coordinado pola SD Octavio, coa colaboración do Concello de Vigo (Concellería de Deportes).

O curso contará con clases teóricas (75 horas) e prácticas (150 horas), que se desenvolverán no complexo deportivo das Travesas. Para poder realizar esta actividade debes ter 16 anos cumpridos e estar en posesión do título da ESO ou similar.

Todas as persoas interesadas deberán anotarse antes do día 1 de maio, e a primeira clase de presentación celebrarase o día 6 de maio.

(Ver información)

30/04/2016: XXIX Festa Infantil do Kárate

Foto noticia

A A.D. Zanshin organiza a vixésima novena edición da Festa Infantil do Kárate no pavillón Pablo Beiro de Bouzas o sábado 30.

Desde as 17:00 horas, máis de 300 nenos e nenas de clubs locais, colexios e do programa municipal de escolas deportivas exhibirán as súas calidades.

(Ver información)