Escudo Concello de Vigo

Deportes

Axenda

27/03/2016: XXIX Trofeo Reconquista

O Trofeo Reconquista dispútase o domingo 27 no estadio municipal de atletismo de Balaídos. Con este trofeo comeza a tempada ao aire libre.

O XXIX Reconquista-Trofeo Antonio Fernández iniciarase ás 11:00 horas e homenaxea a quen foi un dos adestradores mais importantes do panorama vigués, Antonio Fernández.

O Concello, por medio da Concellería de Deportes, apoia a realización deste evento.

(Ver información)

25/03/2016: IX Trofeo Syngenta de baloncesto cadete - VIII infantil

O Baloncesto Seis do Nadal, co patrocinio do Concello de Vigo, organiza a novena edición do torneo de Semana Santa nas pistas de Navia e de Bouzas.

Dende o venres 25 ao domingo 27, vinte clubs de Galicia, Asturias e Castela-León competirán en categorías cadete e infantil. Máis de trinta equipos buscarán o triunfo en tres divisións, cadete A e B e infantil.

(Ver información)

28/02/2016: Bici Ruta Porta do Sol-Samil

O Club Ciclista Vigués, co patrocinio do Concello de Vigo, inicia a serie de paseos en bicicleta para percorrer o termo municipal. Será o domingo 28 ás 10:30 horas.

Con partida dende a Porta do Sol, como é tradicional, a serpe multicor dirixirase a Samil nun traxecto de quince quilómetros aproximadamente entre ida e volta.

O concelleiro de Deportes, Manel Fernández, anima á cidadanía a que se apunte a esta actividade física saudable que retorna un ano máis.

(Ver información)

17/01/2016: III Liga Concello de Vigo de natación escolar

Primeira xornada da III Liga Concello de Vigo de natación escolar, con máis de trinta centros de ensino do municipio.

Na piscina municipal do Carme, coa organización do Club Natación Vigo Rías Baixas e o patrocinio da Concellería de Deportes terán lugar as series (25 metros libres e 25 metros costas) dende as 9:00 horas. Preto de medio milleiro de participantes competirán en benxamíns (dos anos 2004, 2005, 2006 e 2007) e promesas (2008, 2009 e 2010).

(Ver información)

null: XXIX Copa de España - Trofeo SsangYong de Snipe

A ría de Vigo recibe do 25 ao 27 de marzo (venres a domingo) a Copa de España de Snipe, X Memorial Cholo Armada.

Por segunda oportunidade na súa historia (a proba naceu en 1988), Vigo verá aos mellores regatistas desta clase que o Náutico importou de EE UU nos anos 30 e trouxo á Europa continental.

Barcos de todas as flotas españolas (do Atlántico, do Cantábrico e do Mediterráneo) e tamén de Portugal disputan o evento.

As regatas celebraranse ás 13:30 horas (venres 25), 12:00 horas (sábado 26) e 10:30 horas (domingo 27). Ás 17:30 horas está prevista a entrega de premios na sede do Náutico.

(Ver información)

null: Segunda xornada da Liga Concello de Vigo de natación escolar

Trinta e oito centros de ensino pelexarán polo triunfo o domingo 28, desde as 9:00 horas, na segunda das catro xornadas da Liga Concello de Vigo de natación escolar que se celebra na piscina municipal do Carme.

Ata 460 nadadores competirán nesta nova xornada da terceira edición do evento organizado polo C.N. Vigo Rías Baixas.

(Ver información)