Unha maneira de facer Europa

Os procesos de participación cidadá forman parte do día a día na definición das estratexias para a xestión de todos os servizos que o Concello de Vigo desenvolve na súa acción de Goberno Municipal e, de forma específica, no plan de Desenvolvemento Urbano Sostible Integrado (DUSI).

Baixo a denominación "Vigo Vertical", esta estratexia foi desenvolvida baseándose no traballo continuo que o Concello de Vigo vén desenvolvendo a través das diversas áreas de xestión municipal.

Durante a posta en marcha e execución desta Estratexia, desde este Goberno queremos seguir contando coa opinión e participación de todos os vigueses e viguesas. Por iso, animámosvos a participar nas distintas enquisas, cuestionarios, foros e eventos que poñeremos á vosa disposición.