Axenda

09:00 Exposición: Alumnos de Escenografía da ESAD de Vigo.Maquetas, debuxos e deseños de espazo escénico

• Lugar: Sala de exposicións da Casa da Xuventude
  rúa López Mora,31
• Horario: De luns a venres de 9:00 a 14:00 e de 17:00 a 20:00
• Datas: Ata ó 04/05/2012

"Exposición de traballos escenográficos, na súa
maioría para obras teatrais, dos alumnos de escenografía da Escola
Superior de Arte Dramática de Vigo. Poderanse ver maquetas, debuxos e
deseños de espazo escénico".

11:00 Exposición de Amaya González Reyes: Entrar na obra. Perder(se) nela

• Lugar: Marco, Museo de Arte Contemporáneo
  Salas de exposición do primeiro andar
  Rúa do Príncipe
• Horario: Martes a sábados (festivos incluídos) de 11.00 a 21.00
  Domingos, de 11.00 a 15.00
• Datas: Ata ó 20/05/2012

COMISARIOS
Agar Ledo Arias e Iñaki Martínez Antelo

PRODUCIÓN
MARCO, Museo de Arte Contemporánea de Vigo

Amaya González Reyes (Sanxenxo, Pontevedra, 1979) reserva para o espectador un espazo propio e emprázao a descifrar as obsesións da artista; un aspecto que se relaciona co título —ou subtítulo— elixido para a súa proposta: ‘Entrar na obra. Perder(se) nela’.

A exposición reúne un conxunto de doce obras, de nova produción, realizadas en 2011, que inclúen instalacións ou esculturas/obxectos, ademais dunha videoproxección e cinco fotografías da serie Asalto (est)ético.


‘Entrar na obra’ é un ciclo de exposicións que se está a desenvolver nas salas do primeiro andar do MARCO. O título do ciclo está tomado da célebre peza de Giovanni Anselmo Entrare nell’opera (1971), emulsión fotográfica sobre lenzo, na que o artista se fotografa a si mesmo atravesando unha aba nunha acción que interpretamos como reveladora sobre a relación entre o artista e a súa obra e entre o espazo e o tempo. O artista altera o seu papel e xera unha situación de integración, ante a que tamén reacciona o espectador, que, se ben non entra fisicamente na obra, participa sendo testemuña desta ruptura dos límites tradicionais que separan suxeito e obxecto. O significado último reside, pois, na reacción do espectador.

11:00 Exposición: Presenza activa.Acción, obxecto e público

• Lugar: Marco, Museo de Arte Contemporánea
  Sala de Exposicións planta baixa
  Rúa do Príncipe 54
• Horario: martes a sábados de 11.00 a 21.00
  domingos de 11.00 a 15.00
  lunes cerrado
• Datas: Ata ó 20/09/2012

ARTISTAS

Maja Bajević, John Bock, Gary Hill, Thom Kubli, Mads Lynnerup, Alastair MacLennan, Sergio Prego, La Ribot, Carlos Rodríguez-Méndez, Sue-C+AGF

A acción e a instalación, como disciplinas artísticas, son espello unha da outra. De feito, ambas as dúas están baseadas no mesmo principio de presenza; de presenza activa. Na performance, a presenza do artista; na instalación, a do espectador. Así, reflectidas unha na outra, instalación e acción toman direccións opostas pero superpostas, creando un eixe entre dous polos —o artista e o espectador— ao longo do cal existen infinitas posibilidades de interacción. Nun extremo, o espectador convértese en participante, e no oposto, a presenza física do artista pódese volatilizar.

11:00 Exposición El hermoso rostro del país

• Lugar: Pinacoteca Municipal Francisco Fernández del Riego
  Abeleira Menéndez,8 36202 Vigo
• Horario: De Martes a Domingo de 11:00h.-13:30h. y de 17:30h. a 20:00h.
• Datas: Permanente

La exposición desarrolla a lo largo de 10 secciones, articuladas tematicamente, algunas de las líneas que consideramos más significativas en la evolución de nuestra pintura -y complementariamente de nuestra escultura- de los siglos XIX y XX, núcleo fundamental de la colección.

Las secciones de la exposición son:

1.-Costumbrismo, primitivismo e identidad.
2.-Mater Gallaecia
3.-Escenarios
4.-Naturaleza muerta
5.-Retrato
6.-Europa
7.-Sentimiento de tierra
8.-Temática social
9.-Entre la abstracción y la nueva figuración
10.-Fragancia Atlántica

11:00 Curso de Cociña para nenos

• Lugar: Centro Social Novacaixagalicia
  Policarpo Sanz 24
• Horario: De 11:00 a 13:00 horas
  Curso de cociña para nenos e nenas de idades comprendidas entre os 10 e os 14 anos A actividade comeza o próximo día 31 de marzo e continúa os sábados 14, 21 e 28 de abril, en horario de 11.00 a 13.00 h.
• Prezo: 40 euros
• Datas: Ata ó 28/04/2012

Nenos de 10 a 14 anos

Para participar no curso, farase a reserva a través da páxina web www.servinova.es.


"Cociñar tamén é xogar, aprender, e unha forma exquisita de educar."

Co obxectivo de que, a través do xogo, os nenos e nenas se introduzan no traballo de elaboración de pratos e sobremesas, Novacaixagalicia presenta os seus cursos de cociña xuvenís. Aprender a arte culinaria sendo novo fomenta a actividade manual, a autonomía, a creatividade, a aprendizaxe nutricional e dilúe as fronteiras entre a necesidade, a utilidade e o pracer do xogo.

Da man de Juana Portela, elaboraranse madalenas de chocolate, hamburguesas vexetais, boliños mariñeiros con puré de pataca, ovos na carroza, mazás asadas con froitos secos ou torradas de leite e canela. Cada neno traballará de xeito individual para facer os seus pratos que degustará, logo, coa súa familia, ao tempo que se reforzan, ademais, os hábitos de hixiene, orde e cortesía. Novacaixagalicia dotará os participantes dos materiais necesarios: alimentos e ingredientes gastronómicos, un mandil e as bolsas debidamente precintadas para levar os pratos á casa.

12:00 A Fundación Barrié ampliou a súa colección de pintura internacional con 21 novas adquisicións de 18 artistas

• Lugar: Fundación Pedro Barrié de la Maza
  Policarpo Sanz 31
• Horario: De martes a domingo, festivos incluidos: 12 a 14 e 18 a 21h
  
• Datas: Permanente

Trátase de obra dos artistas Jessica Stockholder, Shinique Smith, Joãou Penalva, Manuel Caeiro, Gil Heitor Cortesãou, Gerardo Burmester, Albano Afonso, Manuel Vilariño, José Pedro Croft, Perejaume, Ignasi Aballí, Fachendoso González, Rita Magalhãé, Simeón Saiz Ruiz, Teo Soriano, Tracey Moffatt, Yves Oppenheim e Helmut Dorner.

A Fundación abre así o terceiro ano da súa colección de pintura contemporánea incorporando algúns artistas que traballan sobre a historia da pintura desde outros soportes como a fotografía ou a instalación.

Obra de Yves Oppenheim

-Documento Informativo (pdf)

18:00 Exposición «Vieira da Silva & Arpad Szenes. Traxectorias paralelas»

• Lugar: Sala de Exposicións do Centro Cultural de Novacaixagalicia
• Horario: * Luns a venres de 18 a 21:30 horas.
  * Sábados, domingos e festivos de 11 a 14 e de 18 a 21:30 horas.
  
• Datas: Ata ó 06/05/2012

Aarte de Vieira da Silva e de Arpad Szenes, dous pintores unidos no traballo e na vida. As obras que conforman a mostra, recollidas tamén nun catálogo, pertencen á colección da Fundación Arpad Szenes-Vieira da Silva de Lisboa, creada en 1990 para a difusión da produción de ambos artistas. Unha cincuentena de pezas, 28 de Vieira da Silva e 22 de Arpad Szenes, articulan un discurso expositivo organizado desde un punto de vista cronolóxico que arranca con dous cadros de 1930, ambos retratos da pintora: un autorretrato e un retrato dela pintado por Arpad. A partir de aí comeza o percorrido, arredor das súas traxectorias, que finaliza no caso de Vieira da Silva cun óleo de 1983 e, no caso de Arpad Szenes, cunha pintura de 1979.

20:30 2ª entrega ciclo de cine "‘Nos vieiros da mente’. Adicado a integración social das persoas afectadas por enfermidades mentais.

• Lugar: Centro Cultural Novacaixagalicia
• Horario: 20:30 horas
• Datas: Ata ó 08/05/2012

Logo da boa acollida no 2011 do ciclo de cine ‘Nos vieiros da mente’ o Centro Cultural Novacaixagalicia en Vigo recibirá mañá xoves, 16 de febreiro, a primeira proxección da segunda entrega deste ciclo, organizado pola entidade nos comezos de 2012.

En total e até o 8 de maio, no Centro Cultural Novacaixagalicia en Policarpo Sanz, proxectaranse oito títulos actuais que dan mostra de diferentes patoloxías dende perspectivas antagónicas. Dende o alcoholismo e a xenialidade de O borracho, de Barbet Schroeder, á dantesca e arrepiante comedia de Darren Aronofsky con Réquiem por un soño, sen esquecer a intelixencia, sinceridade e bo humor con que Bicicleta, culler, mazá trata o Alzheimer de Pascual Maragall.

Nun único pase ás 20.30 horas, previa retirada das invitacións o mesmo día a partir das 17.00 horas.
Esta iniciativa ponse en marcha coa colaboración do Servizo Galego de Saúde e o seu proxecto NISE, que traballa para a non estigmatización social dos afectados por enfermidades mentais.

20:30 XVIII Ciclo de Jazz: Matthew Simon & MBM Trio + Jam Session con músicos gallegos

• Lugar: Teatro Salesianos
  Rúa Venezuela
• Horario: 20:30 horas
• Datas: 26/04/2012

O trompetista californiano fincado en España Matthew Le Simon participou en múltiples proxectos xunto a músicos clave da música moderna e o jazz nacional e internacional. A lista inclúe a Celia Cruz, Perico Ponte, Guy Laffite, Ao Cohn, Tete Montoliu, Jerry Lewis, Natalie Cole, Dave Liebman e un longo etcétera. Posúe ademais unha dilatada experiencia docente, como profesor de trompeta e improvisación na Fundació Aula de Música de Barcelona desde 1982 e de trompeta jazz na Escola Superior de Música de Catalunya.

20:30 Espectáculo teatral "Ai, Carmela!".

• Lugar: Centro Cultural Novacaixagalicia
• Horario: 20:30 horas
• Prezo: Máis información en www.obrasocialncg.com.
  Entradas á venda na billeteira telefónica no 902 504 500 e en www.servinova.es.
• Datas: 26/04/2012

Coa interpretación de Josito Porto e Melania Cruz, dirixidos por Tito Asorey

"un canto á dignidade humana ainda en circunstancias ao límite"

A obra, é unha mestura do xénero do cabaré, o teatro musical, a comedia e o drama. Conta a historia de dous cómicos, Carmela e Paulino,quen, durante o inverno de 1938, son arrestados polo bando nacional e obrigados a realizar unha función para celebrar a vitoria na batalla do Ebro perante un público no que hai varios mozos condenados a morte. Paulino, procurando a súa supervivencia, aceptará facelo, Carmela, fiel ao seu sentido da xustiza e solidariedade, remata por non aceptar as ordes recibidas, o que supoñerá a súa morte. A obra estrutúrase a través das aparicións de Carmela, xa defunta, ante un Paulino que tenta seguir convivindo coa súa derrota.
Ai, Carmela! nútrese das tradicións galegas que teñen que ver co alén, coa aparición de defuntos, coa Santa Compaña, e achega, así, o texto do dramaturgo valenciano á nosa cultura popular.