Actividades polo Samaín

A Concellaría de Normalización Lingüística organiza estas actividades (obradoiro e contacontos) gratuítas polo Samaín.

Prazas dispoñibles para nenos/as até completar aforamento do lugar da actividade.

Actividade (1): Obradoiro -a partir de 6 anos-: os celtas crían que no Samaín a porta entre os dous mundos abríase, os espíritos podían voltar ao mundo dos vivos e os vivos pasar ao mundo dos mortos para vivir estrañas aventuras.

No Samaín gozábase da última enchenta do inverno, xogábase e contábanse historias. E iso é o que imos facer: xogar e falar, falar moito, para recordar de onde vimos.

Actividade (2): Contacontos o Samaín e os habitantes do medo -a partir de 6 anos e público familiar-: No Samaín abrímoslles a porta aos nosos defuntos, pero tamén entran outros personaxes que nos meten moito medo.

Para espantalos podemos agocharnos debaixo da cama ou xogar e contar historias. Que preferides?. Xa me contas.

Información na web snl.vigo.org

Documentación

• Cadro das actividades